រដ្ឋមន្រ្តីសុខាភិបាល សម្ពោធអគារពិនិត្យ និងពិគ្រោះជំងឺក្រៅនៃមន្ទីរពេទ្យបង្អែកព្រះនេត្រព្រះ ខេត្តបន្ទាយមានជ័យ ជាសមិទ្ធផលថ្មីបន្ថែម ក្នុងការចូលរួមចំណែកបម្រើសេវាជូនប្រជាពលរដ្ឋ

(បន្ទាយមានជ័យ)៖ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារពិនិត្យនិងពិគ្រោះជំងឺក្រៅ នៃមន្ទីរពេទ្យបង្អែកព្រះនេត្រព្រះ ខេត្តបន្ទាយមានជ័យ ជាជំនួយរបស់សមាគមសាសនាចក្រនៃព្រះយេស៊ូគ្រីស្គនៃពួកបរិសុទ្ធថ្ងៃចុងក្រោយ។

(សូមអានបន្ត)

សម្ដេចតេជោ ហ៊ុន សែន បានជួបពិភាក្សាការងារតាមទូរស័ព្ទជាមួយ ឯកឧត្តម Volodymyr Zelenskyy ប្រធានាធិបតីអ៊ុយក្រែន

នារសៀលថ្ងៃសុក្រ ទី២៧ ខែកុម្ភៈ ឆ្នាំ២០២៦ នៅភូមិគ្រឹះក្រុងតាខ្មៅ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានជួបពិភាក្សាការងារតាមទូរស័ព្ទជាមួយ ឯកឧត្តម Volodymyr Zelenskyy ប្រធានាធិបតីអ៊ុយក្រែន។

(សូមអានបន្ត)

អង្គភាព CMAC ទទួលបានគ្រឿងចក្រកម្ទេចមីនថ្មីទំនើបពីរដ្ឋាភិបាលជប៉ុន

 ឯកឧត្តម ហេង រតនា បានថ្លែងថា សូមបានស្វាគមន៍គ្រឿងចក្រកម្ទេចមីនថ្មីទំនើប ដែលបានមកដល់ព្រះរាជាណាចក្រនេះ ដើម្បីចូលរួមកម្ទេចសំណល់សពខ្មាំងឈ្លានពាន(សំណល់យុទ្ធភណ្ឌសង្គ្រាម) នេះជាសម្ភារបច្ចេកទេសដើម្បីពង្រឹងសន្តិភាពមនុស្សជាតិពិតៗ។ 

(សូមអានបន្ត)

ក្រសួងវប្បធម៌ ទាត់ចោលការចោទប្រកាន់របស់ថៃថា កម្ពុជាបានប្រើប្រាស់ប្រាសាទព្រះវិហារជាមូលដ្ឋានយោធា

(ភ្នំពេញ)៖ ក្រសួងវប្បធម៌ និងវិចិត្រសិល្បៈ បានចេញសេចក្តីថ្លែងការណ៍ទាត់ចោលការចោទប្រកាន់របស់ថៃថា កម្ពុជាបានប្រើប្រាស់ប្រាសាទព្រះវិហារជាមូលដ្ឋានយោធា។

ក្រសួងវប្បធម៌ និងវិចិត្រសិល្បៈ បានកត់សម្គាល់នូវសេចក្តីថ្លែងការណ៍លោក Sihasak Phuangketkeow រដ្ឋមន្ត្រីការបរទេសថៃ ដែលត្រូវបានរាយការណ៍ដោយកាសែត The Nation Thailand ដោយចោទប្រកាន់ថា ប្រទេសកម្ពុជាបានប្រើប្រាស់ប្រាសាទព្រះវិហារជាមូលដ្ឋានយោធា។ ក្រសួងបដិសេធយ៉ាងដាច់អហង្ការចំពោះការចោទប្រកាន់នេះ៕

(សូមអានបន្ត)

ឯកឧត្តមអភិសន្តិបណ្ឌិត ស សុខា រម្លឹកម្ចាស់ទីតាំងមានជនបរទេសស្នាក់នៅ អនុវត្តកាតព្វកិច្ចរាយការណ៍ ជូនសមត្ថកិច្ច

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍ដាស់តឿនជាមុនទៅកាន់ម្ចាស់ទីតាំងស្នាក់នៅគ្រប់ប្រភេទ មិនថាសណ្ឋាគារ ផ្ទះសំណាក់ ឬម្ចាស់អគារស្នាក់នៅនានា ដែលមានជនបរទេសស្នាក់នៅ ត្រូវតែអនុវត្តកាតព្វកិច្ចរាយការណ៍ជូនសមត្ថកិច្ច ខណៈសមត្ថកិច្ច នឹងអនុវត្ត ការពិន័យ ចាប់ពីដើមខែមីនា ឆ្នាំ២០២៦នេះតទៅ។

(សូមអានបន្ត)

អគ្គនាយក ARDB ចុះពិនិត្យវឌ្ឍនភាពការដ្ឋានសាងសង់ទីតាំងប្រមូលទិញ និងកែច្នៃគ្រាប់ស្វាយចន្ទី និងដំឡូងមី ក្នុងខេត្តកំពង់ធំ និងកំពង់ចាម

(កំពង់ធំ-កំពង់ចាម)៖ បណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នាថ្ងៃពុធ ទី២៥ ខែកុម្ភៈ ឆ្នាំ២០២៦ បានបន្តដឹកនាំសហការី ចុះពិនិត្យផ្ទាល់នូវវឌ្ឍនភាពនៃការសាងសង់ទីតាំងប្រមូលទិញ ស្តុកទុក និងកែច្នៃកសិផលសំខាន់ៗចំនួន ០២ទីតាំង ក្នុងភូមិសាស្ត្រខេត្តកំពង់ធំ និងខេត្តកំពង់ចាម។

(សូមអានបន្ត)

រដ្ឋមន្ត្រីក្រសួងទេសចរណ៍ និងរដ្ឋមន្រ្តីក្រសួងកិច្ចការនារី ចុះពិនិត្យទីតាំងត្រៀមរៀបចំព្រឹត្តិការណ៍អមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦

(ភ្នំពេញ)៖ លោក ហួត ហាក់ រដ្ឋមន្ត្រីក្រសួងទេសចរណ៍ និងលោកស្រីកិតិ្តបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានអនុគណៈកម្មការទី៥ (ព្រឹត្តិការណ៍អមកិច្ចប្រជុំកំពូល) នាថ្ងៃទី២៤ ខែកុម្ភៈ ឆ្នាំ២០២៦ បានអញ្ជើញចុះពិនិត្យផ្ទាល់ និងវាយតម្លៃលើទីតាំងមួយចំនួន ក្នុងរាជធានីភ្នំពេញសម្រាប់ការរៀបចំ ព្រឹត្តិការណ៍អមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦ ដែលនឹងប្រព្រឹត្តនៅខែវិច្ឆិកា ឆ្នាំ២០២៦ នៅរាជធានីភ្នំពេញ។

សូមបញ្ជាក់ជូនថា ព្រឹត្តិការណ៍អមចម្បងក្នុងកិច្ចប្រជុំកំពូលហ្រ្វង់កូហ្វូនីលើកទី២០ ដែលប្រទេសកម្ពុជា ធ្វើជាម្ចាស់ផ្ទះមានចំនួន២ គឺ «ភូមិហ្វ្រង់កូហ្វូន» (Village Francophone) ដែលមានពន្លាសម្រាប់ប្រទេសចូលរួមបង្ហាញពីវប្បធម៌ និងទេសចរណ៍របស់ខ្លួន អង្គការ និងស្ថាប័នផ្សេងៗ បង្ហាញពីសកម្មភាពការងារ ក៏មានវេទិកាតុមូលលើប្រធានបទសំខាន់ៗ មួយចំនួន និង «ហ្វ្រង់កូតេក» (Francotech) ដែលជាជំនួបធុរកិច្ចរវាងធុរជនពីគ្រប់បណ្តាប្រទេសនិយាយភាសាបារាំង៕

(សូមអានបន្ត)

សម្តេចតេជោ ហ៊ុន សែន អនុញ្ញាតឱ្យ ប្រតិភូក្រុមមិត្តភាពសភាបារាំង-កម្ពុជា ចូលជួបសម្ដែងការគួរសម

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា នៅព្រឹកថ្ងៃទី២៥ ខែកុម្ភៈ ឆ្នាំ២០២៦នេះ បានអនុញ្ញាតឱ្យ ប្រតិភូក្រុមមិត្តភាពសភា បារាំង-កម្ពុជា ដឹកនាំដោយ លោក Thomas Lam ចូលជួបសម្ដែងការគួរសម នៅវិមានសាមគ្គីភាពនៃព្រឹទ្ធសភាជាតិ រាជធានីភ្នំពេញ៕

(សូមអានបន្ត)

ថ្ងៃទី ២ នៃវគ្គសិក្សា ក្នុងក្រសួងសារព័ត៌មាននៅសាលចតុមុខមង្គល លោក ពៅ ពិសិទ្ធិ បង្ហាញអំពីភារកិច្ច និងការទទួលខុសត្រូវរបស់អ្នកសារព័ត៌មាន ថ្ងៃអង្គារ ៨កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែកុម្ភៈ ឆ្នាំ២០២៦

 (ភ្នំពេញ)៖ លោក ពៅ ពិសិទ្ធិ អគ្គនាយករងនៃអគ្គនាយកដ្ឋានក្រសួងព័ត៌មាន  បានធ្វើបទបង្ហាញស្តីពី «ភារកិច្ច និងការទទួលខុសត្រូវរបស់អ្នកសារព័ត៌មាន» ដោយពន្យល់យ៉ាងលម្អិតអំពីន័យ អក្សរសាស្ត្រ តួនាទី និងមូលដ្ឋានច្បាប់ដែលពាក់ព័ន្ធនឹងវិស័យព័ត៌មាន។

១. អត្ថន័យពាក្យ «អ្នកសារព័ត៌មាន»

ក្នុងបទបង្ហាញ លោកបានពន្យល់តាមទស្សនៈអក្សរសាស្ត្រខ្មែរ ថា៖

សារ មានន័យថា ដំណឹង ឬសេចក្ដីជូនដំណឹង

ព័ត៌មាន មានន័យថា ដំណឹងអំពីព្រឹត្តិការណ៍ ឬរឿងរ៉ាវ

អ្នកសារព័ត៌មាន ដូច្នេះ មានន័យថា បុគ្គលដែលប្រមូល ដកស្រង់ កែសម្រួល និងផ្សព្វផ្សាយដំណឹងទៅកាន់សាធារណជន

លោកក៏បានបញ្ជាក់អំពីតួនាទីគ្រប់គ្រង និងរចនាសម្ព័ន្ធក្នុងអង្គភាពសារព័ត៌មាន និងស្ថានីយ៍ផ្សាយវិទ្យុ ទូរទស្សន៍ ដូចជា និពន្ធនាយក អ្នករាយការណ៍ព័ត៌មាន អ្នកបច្ចេកទេស និងអ្នកគ្រប់គ្រងមាតិកា។

I. តួនាទីរបស់អ្នកសារព័ត៌មាន

ស្វែងរក និងផ្ទៀងផ្ទាត់ព័ត៌មាន

រាយការណ៍ដោយភាពត្រឹមត្រូវ និងអព្យាក្រឹត

បម្រើប្រយោជន៍សាធារណៈ

ត្រួតពិនិត្យ និងតុល្យភាពអំណាច

II. ភារកិច្ច និងការទទួលខុសត្រូវ

អ្នកសារព័ត៌មាន ត្រូវអនុវត្តការងាររបស់ខ្លួន ស្របតាម៖

ច្បាប់ជាតិ

អនុក្រឹត្យ

ប្រកាស

ធម្មនុញ្ញវិជ្ជាជីវៈ

សេចក្ដីណែនាំ

កិច្ចសន្យាប្រកបអាជីវកម្ម

ច្បាប់អន្តរជាតិ និងច្បាប់សកល

III. លិខិតបទដ្ឋានគតិយុត្តវិស័យព័ត៌មាន

១. អនុក្រឹត្យលេខ ៧០ អនក្រ.បក ស្តីពីការរៀបចំ និងការប្រព្រឹត្តទៅរបស់ក្រសួងព័ត៌មាន (៥ សីហា ១៩៩៩) មាត្រា ២

២. អនុក្រឹត្យលេខ ២១៧ អនក្រ.បក ស្តីពីការរៀបចំ និងការប្រព្រឹត្តទៅរបស់ក្រសួងព័ត៌មាន (២០ វិច្ឆិកា ២០២៥)

៣. ប្រកាសស្តីពីលក្ខខណ្ឌគុណវុឌ្ឍិ និងវិជ្ជាជីវៈសារព័ត៌មាន សម្រាប់អ្នកអនុវត្តសកម្មភាពក្នុងវិស័យព័ត៌មាន និងសោតទស្សន៍ (២៧ វិច្ឆិកា ២០២៥)

៤. ធម្មនុញ្ញវិជ្ជាជីវៈសារព័ត៌មាន (៦ សីហា ២០២៤)

៥. សេចក្ដីណែនាំផ្សេងៗក្នុងបរិបទសន្តិសុខ និងជម្លោះ៖

សេចក្ដីណែនាំស្តីពីការប្រើប្រាស់ និងផ្សព្វផ្សាយព័ត៌មានលើបណ្ដាញសង្គម (២៩ កក្កដា ២០២៥)

សេចក្ដីណែនាំស្តីពីការផ្សព្វផ្សាយព័ត៌មានប៉ះពាល់ដល់សន្តិសុខជាតិ (១ សីហា ២០២៥)

សេចក្ដីណែនាំរួមរវាងក្រសួងព័ត៌មាន និងក្រសួងប្រៃសណីយ៍ និងទូរគមនាគមន៍ ស្តីពីការបញ្ឈប់ការចែករំលែកមាតិកាមិនមានប្រភពច្បាស់លាស់ (២៣ ធ្នូ ២០២៥)

សេចក្ដីណែនាំស្តីពីការផ្សព្វផ្សាយព័ត៌មានដោយទំនួលខុសត្រូវ និងទប់ស្កាត់ព័ត៌មានក្លែងក្លាយ (២៧ ធ្នូ ២០២៥)

៦. កិច្ចសន្យាប្រកបអាជីវកម្ម

IV. ច្បាប់ក្នុងប្រទេសកម្ពុជា ពាក់ព័ន្ធនឹងវិស័យព័ត៌មាន

រដ្ឋធម្មនុញ្ញនៃព្រះរាជាណាចក្រកម្ពុជា (មាត្រា ៧ និង ៤១)

ព្រះរាជក្រមលេខ នស/រកម/០១៩៦/១៤ ប្រកាសឱ្យប្រើច្បាប់ស្តីពីការបង្កើតក្រសួងព័ត៌មាន (២៤ មករា ១៩៩៦)

ច្បាប់ស្តីពីរបបសារព័ត៌មាន (ឆ្នាំ១៩៩៥) មាត្រា ៥, ៧, ១២, ១៤

ក្រមនីតិវិធីព្រហ្មទណ្ឌ ឆ្នាំ២០១០ (មាត្រាពាក់ព័ន្ធនឹងបទល្មើសព័ត៌មាន និងការទទួលខុសត្រូវ)

V. ច្បាប់អន្តរជាតិ

កតិកាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ (ICCPR) មាត្រា ១៩ ស្តីពីសេរីភាពបញ្ចេញមតិ និងសេរីភាពព័ត៌មាន

សេចក្ដីសន្និដ្ឋាន

លោក ពៅ ពិសិទ្ធិ បានបញ្ជាក់ថា អ្នកសារព័ត៌មាន ត្រូវអនុវត្តវិជ្ជាជីវៈដោយគោរពច្បាប់ ក្រមសីលធម៌ និងមានទំនួលខុសត្រូវខ្ពស់ចំពោះសង្គម ដើម្បីការពារសេចក្ដីពិត និងបម្រើប្រយោជន៍សាធារណៈ ពិសេសក្នុងបរិបទបច្ចុប្បន្នដែលព័ត៌មានក្លែងក្លាយកំពុងរីករាលដាល។

(សូមអានបន្ត)