រដ្ឋបាលខេត្តពោធិ៍សាត់ រៀបចំដំណើរទស្សនកិច្ចសិក្សាជូនមន្ត្រីរាជការ និងបុគ្គលិកហាត់ការ ឆ្ពោះទៅខេត្តសៀមរាប

(ពោធិ៍សាត់)៖ ដើម្បីពង្រឹងសមត្ថភាពវិជ្ជាជីវៈ ពង្រីកការយល់ដឹងស៊ីជម្រៅលើកិច្ចការងាររដ្ឋបាល និងបង្កើតស្មារតីសាមគ្គីភាពផ្ទៃក្នុងឱ្យកាន់តែរឹងមាំ រដ្ឋបាលខេត្តពោធិ៍សាត់បានរៀបចំដំណើរទស្សនកិច្ចសិក្សាដ៏មានសារៈសំខាន់មួយ ជូនដល់មន្ត្រីរាជការ និងបុគ្គលិកហាត់ការ ឆ្ពោះទៅកាន់តំបន់រមណីយដ្ឋានអង្គរ ខេត្តសៀមរាប ដែលប្រព្រឹត្តទៅចាប់ពីថ្ងៃទី២៩ ដល់ថ្ងៃទី៣០ ខែសីហា ឆ្នាំ២០២៦។

(សូមអានបន្ត)

អភិបាលខេត្តកំពត ជំរុញការថែរក្សា និងដាំដើមត្នោតបន្ថែមដើម្បីជាអត្តសញ្ញាណជាតិខ្មែរ និងផលប្រយោជន៍សេដ្ឋកិច្ច, ខណៈកូនត្នោត ២ម៉ឺនដើមត្រូវបានដាំ

(កំពត)៖ លោកបណ្ឌិត ម៉ៅ ធនិន អភិបាលខេត្តកំពត បានណែនាំដល់អាជ្ញាធរគ្រប់លំដាប់ថ្នាក់ និងប្រជាពលរដ្ឋឱ្យរួមគ្នាថែរក្សាដើមត្នោតដែលបានដាំដុះរួចហើយ ព្រមទាំងបន្តដាំបន្ថែមទៀត ដើម្បីធានាបាននូវការលូតលាស់ល្អ និងទទួលបានផលប្រយោជន៍ច្រើន ព្រោះដើមត្នោត គឺជាអត្តសញ្ញាណដ៏សំខាន់របស់ជាតិខ្មែរ។

(សូមអានបន្ត)

សម្តេចមហាបវរធិបតី ហ៊ុន ម៉ាណែត ជួបជាមួយគណៈប្រតិភូសន្និសីទប្រធានសភានៃអន្តរសភា

 

នៅរសៀលថ្ងៃសុក្រ ទី២៨ ខែសីហា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ទទួលជួបគណៈប្រតិភូសន្និសីទប្រធានសភានៃអន្តរសភា ដឹកនាំដោយលោក ស៊ីយ៉េដ យូសាហ្វ រ៉ាសា ហ្គីឡានី (Syed Yusaf Raza Gillani) ប្រធានព្រឹទ្ធសភាប៉ាគីស្ថាន និងជាប្រធានស្ថាបនិកនៃសន្និសីទប្រធានសភានៃអន្តរសភា (ISC)។

(សូមអានបន្ត)

ឧបនាយករដ្ឋមន្ត្រី ប្រាក់ សុខុន៖ សន្តិភាព និងការអភិវឌ្ឍដែលចំណាយពេលរាប់ទសវត្សរ៍ អាចត្រូវបំផ្លាញក្នុងរយៈពេលដ៏ខ្លី ហើយការកសាងសន្តិភាពឡើងវិញ បន្ទាប់ពីបាត់បង់ទៅ គឺជារឿងដ៏លំបាក

  

ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានកត់សម្គាល់ថា ការកើតមានជម្លោះកាន់តែច្រើនឡើងនៅទូទាំងពិភពលោក រួមទាំងក្នុងតំបន់ផងដែរ ​បានរំលឹកដល់យើងទាំងអស់គ្នា អំពីភាពផុយស្រួយនៃសន្តិភាព​ ​ខណៈការអភិវឌ្ឍដែលចំណាយពេលរាប់ទសវត្សរ៍ អាចត្រូវបំផ្លាញក្នុងរយៈពេលដ៏ខ្លី ហើយការកសាងសន្តិភាពឡើងវិញ បន្ទាប់ពីបាត់បង់ទៅ គឺជារឿងដ៏លំបាកបំផុត។

(សូមអានបន្ត)

ជំនួបជាមួយសម្តេចមហាបវរធិបតី, គណៈ​ប្រតិភូ​សមាជិកសភាអាមេរិក​ ប្រកាសបន្តគាំទ្ររដ្ឋាភិបាលអាមេរិក ជំរុញកិច្ចសហប្រតិបត្តិការកម្ពុជា​-អាមេរិក​ ឱ្យកាន់តែរីកចម្រើន និងទូលំទូលាយបន្ថែមទៀត

គណៈប្រតិភូសមាជិកសភាអាមេរិក បានបង្ហាញការគាំទ្រចំពោះទំនាក់ទំនង និងកិច្ចសហប្រតិបត្តិការ​ទាំង​ឡាយរវាងអាមេរិក និងកម្ពុជា ហើយប្រកាសគាំទ្ររដ្ឋាភិបាលអាមេរិក ជំរុញកិច្ចសហប្រតិបត្តិការកម្ពុជា-អា​មេរិក ឱ្យកាន់តែរីកចម្រើន និងទូលំទូលាយបន្ថែមទៀត។

(សូមអានបន្ត)

ក្រុម (AOT KH HOM) ចុះសង្កេតការណ៍ផ្ទៀងផ្ទាត់ និងត្រួតពិនិត្យការដាក់ពង្រាយទូកុងតឺន័រ រាយបន្លាលួស ជីកប្រឡាយ ធ្វើលេណដ្ឋាន និងធ្វើផ្លូវលើទឹកដីកម្ពុជា និងការកាន់កាប់ដោយខុសច្បាប់របស់យោធាថៃ នៅច្រកអូរស្មាច់ ខេត្តឧត្តរមានជ័យ

សេចក្តីប្រកាសព័ត៌មាន

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖

(សូមអានបន្ត)

កម្ពុជា បន្តបញ្ជូនកងទ័ពមួកខៀវ ជិត២០០នាក់ ចេញទៅបំពេញបេសកកម្មមនុស្សធម៌ នៅអាហ្វ្រិកកណ្ដាល ក្នុងខួប២០ឆ្នាំ នៃការចូលរួមរក្សាសន្តិភាពក្រោមឆត្រ UN

(ភ្នំពេញ)៖ រដ្ឋាភិបាលកម្ពុជា បានបន្តបញ្ជូនកងកម្លាំងវិស្វកម្មកម្ពុជា ចំនួន ១៨៤នាក់ ក្នុងនោះមានយោធិនជានារី ២៨នាក់ ស្មើនឹង១៥ភាគរយ ជាកងប្ដូរវេន បានត្រៀមខ្លួនរួចជាស្រេច ដើម្បីចេញទៅបំពេញបេសកកម្មរក្សាសន្តិភាពនៅសាធារណរដ្ឋអាហ្វ្រិកកណ្ដាល ក្រោមឆត្រអង្គការសហប្រជាជាតិ (UN)។ ការចាត់បញ្ជូនកងទ័ពមួកខៀវនេះ ធ្វើឡើងចំពេលដែលកម្ពុជាប្រារព្ធខួប ២០ឆ្នាំ នៃការចូលរួមចំណែកយ៉ាងសកម្មក្នុងប្រតិបត្តិការរក្សាសន្តិភាពសកលលោក។

(សូមអានបន្ត)

អភិបាលខេត្តឧត្តរមានជ័យ ចាត់ទុកទស្សនកិច្ចរដ្ឋមន្ត្រី​ចក្រភពអង់គ្លេសទទួលបន្ទុកឥណ្ឌូ-ប៉ាស៊ីហ្វិក នៅសាលាបឋមសិក្សាគោកប្រាសាទ ជាការផ្តល់ក្តីសង្ឃឹម និងឱកាសរៀនសូត្រដល់កុមារ ដែលរងគ្រោះដោយសារទាហានថៃឈ្លានពាន

(ឧត្តរមានជ័យ)៖​ លោក មាន ចាន់យ៉ាដា អភិបាលខេត្តឧត្តរមានជ័យ បានចាត់ទុកដំណើរទស្សនកិច្ចរបស់លោកស្រី Rosie Winterton រដ្ឋមន្ត្រីចក្រភពអង់គ្លេសទទួលបន្ទុកឥណ្ឌូ-ប៉ាស៊ីហ្វិក នៅសាលាបឋមសិក្សាគោកប្រាសាទ​ ស្ថិតនៅភូមិផ្អុង សង្កាត់កូនក្រៀល ក្រុងសំរោង ជាការផ្តល់ក្តីសង្ឃឹម និងឱកាសរៀនសូត្រដល់កុមារដែលរងគ្រោះដោយសារតែទម្ងន់គ្រាប់ផ្លោងរបស់ទាហានថៃ។

(សូមអានបន្ត)

ខេត្តប៉ៃលិន ដាំដើមឈើចម្រុះជាង ២ពាន់ដើម ដើម្បីអបអរសាទររុក្ខទិវា ៩ កក្កដា, អភិបាលខេត្ត អំពាវនាវឱ្យចូលរួមថែរក្សាធនធានព្រៃឈើ

នៅព្រឹកថ្ងៃទី២៥ ខែសីហា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន រួមជាមួយលោក លោកស្រី សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោក លោកស្រី ប្រធានមន្ទីរអង្គភាពជុំវិញខេត្ត កងកម្លាំងទាំង ៣ប្រភេទ អភិបាល ក្រុង/ស្រុក មេឃុំ/ចៅសង្កាត់ មេភូមិ យុវជន សសយក ខេត្ត លោកគ្រូ អ្នកគ្រូ សិស្សានុសិស្ស និងប្រជាពលរដ្ឋបានអញ្ជើញចូលរួមដាំដើមឈើចម្រុះ ចំនួន ២៥០០ដើម ស្ថិតក្នុងភូមិអន្លង់រក្សា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីអបអរសាទរ រុក្ខទិវា ៩ កក្កដា លើកទី៣១។

(សូមអានបន្ត)

ឯកឧត្តមឧបនាយករដ្ឋមន្ត្រី ហង់ជួន ណារ៉ុន សម្ពោធដាក់ឱ្យប្រើប្រាស់បណ្ណាល័យឌីជីថល នៅអនុវិទ្យាល័យបន្ទាយមានឫទ្ធិ ក្នុងខេត្តបន្ទាយមានជ័យ

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជាអធិបតីក្នុងពិធីកាត់ខ្សែបូសម្ពោធបណ្ណាល័យឌីជីថល នៅអនុវិទ្យាល័យ បន្ទាយមានឫទ្ធិ ស្ថិតនៅក្នុងឃុំគោករមៀត ស្រុកថ្មពួក ខេត្តបន្ទាយមានជ័យ ដើម្បីរួមចំណែកលើកកម្ពស់វិស័យអប់រំឱ្យកាន់តែមានប្រសិទ្ធភាព មានភាពបត់បែន ឆ្លើយតបទៅនឹងបរិវត្តកម្មឌីជីថល។

(សូមអានបន្ត)

ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត ដឹកនាំកិច្ចប្រជុំរបស់គណៈកម្មការរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅកម្ពុជា

នៅថ្ងៃទី២៤ ខែសីហា ឆ្នាំ២០២៦ ឯកឧត្តម វង្សី វិស្សុតឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មការរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅព្រះរាជាណាចក្រកម្ពុជា បានដឹកនាំកិច្ចប្រជុំលើកទី៦ របស់គណៈកម្មការ ដោយមានការអញ្ជើញចូលរួមពីសំណាក់លោក លោកស្រី ជាអនុប្រធាន និងជាសមាជិក សមាជិកានៃគណៈកម្មការរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅព្រះរាជាណាចក្រកម្ពុជា។

(សូមអានបន្ត)

ព្រឹកថ្ងៃនេះសម្តេចមហាបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ផ្លូវ៣ខ្សែ តម្លៃជិត ៤៤លានដុល្លារ ស្ថិតក្នុងភូមិសាស្ត្រខេតត្បូងឃ្មុំ និងក្រចេះ

(ក្រចេះ)៖ នៅព្រឹកថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ​២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកស្រី ថាញ៉ា ម៉ៃយ័រ (TANIA MEYER) ប្រធានគ្រប់គ្រងធនាគារពិភពលោកប្រចាំនៅកម្ពុជា អញ្ជើញជាអធិបតីសម្ពោធដាក់ឱ្យប្រើប្រាស់​ជា​ផ្លូវការផ្លូវចំនួន៣ខ្សែប្រវែងសរុបជិត ១០០គីឡូម៉ែត្រ តម្លៃជិត ៤៤លានដុល្លារ ស្ថិតក្នុងភូមិសាស្ត្រខេត្តត្បូងឃ្មុំ និងខេត្តក្រចេះ។

(សូមអានបន្ត)

អភិបាលខេត្តតាកែវ អំពាវនាវបញ្ឈប់ការនេសាទខុសច្បាប់ ដើម្បីអភិរក្សជីវចម្រុះក្នុងទឹក

**ខេត្តតាកែវ ៖** ឯកឧត្តម វ៉ី សំណាង អភិបាលខេត្តតាកែវ បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋ និងប្រជានេសាទទាំងអស់ក្នុងមូលដ្ឋាន ឲ្យបញ្ឈប់ជាបន្ទាន់នូវរាល់សកម្មភាពនេសាទដោយប្រើប្រាស់ឧបករណ៍ខុសច្បាប់ ដើម្បីចូលរួមអភិរក្ស និងលើកកម្ពស់ទិន្នផលត្រីធម្មជាតិឲ្យកាន់តែសម្បូរបែប។

(សូមអានបន្ត)

ឧបនាយករដ្ឋមន្ត្រី ស សុខា អញ្ជើញសម្ពោធដាក់ឲ្យប្រើប្រាស់អគារសិក្សា ២ខ្នង ស្មើនឹង ១២បន្ទប់ និងសមិទ្ធផលនានា នៅស្រុកពារាំង ខេត្តព្រៃវែង

(ព្រៃវែង)៖ នៅថ្ងៃទី២៣ ខែសីហា ឆ្នាំ២០២៦ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង បានអញ្ជើញសម្ពោធដាក់ឲ្យប្រើប្រាស់អគារសិក្សា ២ខ្នង ស្មើនឹង ១២បន្ទប់ និងសមិទ្ធផលនានា នៅអនុវិទ្យាល័យ និងសាលាបឋមសិក្សាព្រៃស្នៀត ស្ថិតនៅឃុំព្រៃស្នៀត ស្រុកពារាំង ខេត្តព្រៃវែង។

(សូមអានបន្ត)

ឯកឧត្តម ទិត សុធា ៖ ការតម្រង់ទិសសម្រាប់ត្រៀមខ្លួនបន្តសិក្សានៅសាកលវិទ្យាល័យ ជាការបង្ហាញផ្លូវដ៏ចាំបាច់ជួយដល់សិស្ស- និស្សិតមកពីតាមបណ្តាខេត្ត

ឯកឧត្តម ទិត សុធា រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់ស្វាយ ខេត្តកំពង់ធំ រួមទាំងថ្នាក់ដឹកនាំក្រុមការងារ នៅព្រឹកថ្ងៃទី២១ ខែសីហា ឆ្នាំ២០២៦ បានជួបសំណេះសំណាលជាមួយក្មួយៗសិស្សានុសិស្សថ្នាក់ទី១១, ទី១២ថ្មី និងសិស្សដែលទើបប្រឡងទុតិយភូមិថ្មីៗនេះ ប្រមាណ១៥០រូប នៅវិទ្យាល័យទួលក្បិល ស្ថិតក្នុងឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ដោយមានការចូលរួមពីលោកគ្រូ អ្នកគ្រូ គណៈគ្រប់គ្រងសាលា ព្រះសង្ឃ និងមន្ត្រីមូលដ្ឋានក្នុងឃុំផងដែរ ។

(សូមអានបន្ត)

អភិបាលខេត្តបាត់ដំបង ប្រគល់បណ្ណកម្មសិទ្ធិដីធ្លីជាង ៣,៧០០ បណ្ណ ជូនប្រជាពលរដ្ឋនៅស្រុករតនមណ្ឌល

(បាត់ដំបង)៖ លោក សុខ លូ អភិបាលខេត្តបាត់ដំបង នៅថ្ងៃទី២១ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុចំនួន ៣,៧០៤ បណ្ណ ជូនប្រជាពលរដ្ឋ ១,៧៧៩ គ្រួសារ មកពី៦ភូមិ ក្នុងឃុំអណ្ដើកហែប និងឃុំត្រែង ស្រុករតនមណ្ឌល។ ពិធីនេះបានប្រព្រឹត្តទៅនៅសាលាស្រុករតនមណ្ឌល។

(សូមអានបន្ត)

សេចក្តីជូនដំណឹង

គេហទំព័រ **ធី អេស ភី ៦៨ ធីវីអនឡាញ** [www.tsp68tvonline.com.kh] មានកិត្តិយសសូមជម្រាបជូនដំណឹងដល់សាធារណៈជន ក្រសួង-មន្ទីរ ស្ថាប័ន អង្គការ សមាគមជាតិ-អន្តរជាតិ សារព័ត៌មានជាតិ-អន្តរជាតិ និងអាជ្ញាធរមានសមត្ថកិច្ចគ្រប់ជាន់ថ្នាក់ ទាំង២៥ រាជធានី-ខេត្ត មេត្តាជ្រាបថា៖

អង្គភាពគេហទំព័រ **ធី អេស ភី ៦៨ ធីវីអនឡាញ** សូមជម្រាបជូនថា បុគ្គលិកខាងក្រោមនេះ បានសុំលាឈប់ពីការងារជាផ្លូវការ ចាប់ពីថ្ងៃទី២១ ខែសីហា ឆ្នាំ២០២៦ តទៅ៖

---

១. បុគ្គលិកដែលបានលាឈប់

| រ.រ | នាម និងនាមត្រកូល | តួនាទី | ប័ណ្ណសម្គាល់ខ្លួន | ចេញដោយ |

 | ១ |    **គីម លីមហេង** | និពន្ធនាយករង | ID 08281 / 2026 | ក្រសួងព័ត៌មាន |

  | ២ | **ឃីន គីមយ៉ុន** | អ្នកយកព័ត៌មាន | ID 011 / 2026 | ក្រសួងព័ត៌មាន |

---

២. មូលដ្ឋានច្បាប់

- លិខិតសុំលាឈប់ចុះថ្ងៃទី ២១ ខែសីហា ឆ្នាំ២០២៦

- លេខយោង៖ ០០២ ធ.អ.ភ ៦៨ និង ០០៣ ធ.អ.ភ ៦៨

---

៣. ការបដិសេធការទទួលខុសត្រូវ

អង្គភាព **ធី អេស ភី ៦៨ ធីវីអនឡាញ** សូមបញ្ជាក់ថា ៖

> ប្រសិនបើបុគ្គលិកខាងលើនេះ នៅតែបន្តប្រើប្រាស់ប័ណ្ណសម្គាល់ខ្លួន ដោយផ្ទុយពីច្បាប់ ក្រមសីលធម៌វិជ្ជាជីវៈសារព័ត៌មាន ឬច្បាប់ស្តីពីរបបសារព័ត៌មាន អង្គភាព **ធី អេស ភី ៦៨ ធីវីអនឡាញ** មិនទទួលខុសត្រូវឡើយ។

---

៤. សំណូមពរ

ដូច្នេះ សូមក្រសួង-មន្ទីរ ស្ថាប័ន អង្គការ សមាគមជាតិ-អន្តរជាតិ សារព័ត៌មានជាតិ-អន្តរជាតិ និងអាជ្ញាធរមានសមត្ថកិច្ចគ្រប់ជាន់ថ្នាក់ ទាំង២៥ រាជធានី-ខេត្ត មេត្តាជ្រាបជាព័ត៌មាន និងចាត់វិធានការតាមការសមស្រប ចំពោះរាល់ទង្វើខុសច្បាប់របស់បុគ្គលិកដែលបានលាឈប់នេះ។

អង្គភាព **ធី អេស ភី ៦៨ ធីវីអនឡាញ** ពេញចិត្ត និងរង់ចាំសហការជាមួយស្ថាប័ន និងអាជ្ញាធរពាក់ព័ន្ធទាំងអស់ នៅរាល់ម៉ោងធ្វើការ។

---

**គេហទំព័រ ធី អេស ភី ៦៨ ធីវីអនឡាញ**  

[www.tsp68tvonline.com.kh]

---

(សូមអានបន្ត)

ក្រុម AOT ចុះពិនិត្យទីតាំងពលរដ្ឋស៊ីវិលខ្មែរ នៅភូមិក្បាលស្ពាន១ ដែលរងការខូចខាត និងបំផ្លិចបំផ្លាញយ៉ាងធ្ងន់ធ្ងរ ដោយយោធាថៃទម្លាក់គ្រាប់បែកពីយន្តហោះ F-16

(បន្ទាយមានជ័យ)៖ អ្នកនាំពាក្យក្រសួងការពារជាតិ បានឱ្យដឹងថា នៅថ្ងៃទី២០ ខែសីហា ឆ្នាំ២០២៦ ក្រុមអ្នកសម្របសម្រួល (CLG) កម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន ប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចច្រកទា្វរព្រំដែនអន្តរជាតិប៉ោយប៉ែត ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ក្រោយបទឈប់បាញ់ចូលជាធរមាន។

(សូមអានបន្ត)

អភិបាលខេត្តតាកែវ ប្រគល់ផ្ទះអំណោយសម្ដេចតេជោ ជូនអតីតយុទ្ធជនម្នាក់ នៅស្រុកទ្រាំង

(តាកែវ)៖ ផ្ទះមួយខ្នងដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជនកម្ពុជា ព្រមទាំងត្រូវបានកសាងឡើងដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានទី១ សមាគមអតីតយុទ្ធជនកម្ពុជា ត្រូវបានឯកឧត្តម វ៉ី សំណាង អភិបាលខេត្តតាកែវ ចុះប្រគល់ជូនដល់លោក ម៉ាន សុខ ដែលជាអតីតយុទ្ធជន រស់នៅភូមិអណ្តែងសាំងជ្វា ឃុំជីខ្មា ស្រុកទ្រាំង ខេត្តតាកែវ កាលពីព្រឹកថ្ងៃព្រហស្បតិ៍ ទី២០ ខែសីហា ឆ្នាំ២០២៦។

(សូមអានបន្ត)

លិខិតបញ្ឈប់ បុគ្គលិកឈ្មោះគីម លីមហេង តួនាទីនិពន្ធនាយករង អត្ថលេខ ID 08281

សេចក្ដីជូនដំណឹង

ថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦

លិខិតបញ្ឈប់ បុគ្គលិកឈ្មោះ គីម លីមហេង តួនាទីនិពន្ធនាយករង អត្តលេខ ID 08281/2026

 

(សូមអានបន្ត)

ឯកឧត្តមរដ្ឋមន្ត្រី នេត្រ ភក្ត្រា ៖ «ភាពលឿនមិនអាចបំផ្លាញភាពត្រឹមត្រូវបានឡើយ»

រាជធានីភ្នំពេញ ៖ ដើម្បីពង្រឹងគុណភាពព័ត៌មាន និងលើកកម្ពស់កិត្តិយសរបស់អ្នកសារព័ត៌មានក្នុងយុគសម័យឌីជីថល ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតីក្នុងជំនួបតម្រង់ទិសការងារជាមួយអ្នកសារព័ត៌មាន និងអ្នកប្រតិបត្តិការវិស័យសោតទស្សន៍ជាង ១០០ នាក់ នាព្រឹកថ្ងៃទី១៩ ខែសីហា ឆ្នាំ២០២៦ នាទីស្តីការក្រសួងព័ត៌មាន។

ក្នុងឱកាសនោះ ឯកឧត្តមរដ្ឋមន្ត្រីបានគូសបញ្ជាក់យ៉ាងច្បាស់ថា៖

«ភាពរហ័សរហួន មិនអាចយកមកធ្វើជាលេសនៃការផ្សព្វផ្សាយព័ត៌មានមិនពិត ឬខ្វះការផ្ទៀងផ្ទាត់បានឡើយ។ អត្ថបទព័ត៌មានដែលមានតម្លៃ គឺជានិមិត្តរូបនៃភាពស្មោះត្រង់ ភាពត្រឹមត្រូវ និងប្រភពច្បាស់លាស់។»

ឯកឧត្តមរដ្ឋមន្ត្រី បានអំពាវនាវឱ្យអ្នកសារព័ត៌មានជៀសវាងដាច់ខាតនូវការប្រើប្រាស់រូបភាព ឬខ្លឹមសារដែលបន្ទាបបន្ថោក ប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រី។ ផ្ទុយទៅវិញ លោកបានបញ្ជាក់ថា ប្រព័ន្ធផ្សព្វផ្សាយត្រូវតែជា «កញ្ចក់ឆ្លុះ» ដែលចូលរួមលើកតម្កើងតម្លៃ សីលធម៌ និងអត្តសញ្ញាណដ៏ផូរផង់របស់ស្ត្រី និងសង្គមជាតិ។

ជាមួយគ្នានេះ ឯកឧត្តមរដ្ឋមន្ត្រីបានបន្តថា ការទាក់ទាញការចាប់អារម្មណ៍ពីអ្នកអាន ឬអ្នកទស្សនា គឺជាគោលដៅមួយ ប៉ុន្តែ មិនមែនជាគោលដៅតែមួយគត់នោះទេ។ រាល់មាតិកាដែលផ្សព្វផ្សាយចេញទៅ ត្រូវតែគិតគូរជាអាទិភាពពីផលប៉ះពាល់ចំពោះបុគ្គល គ្រួសារ និងសង្គមទាំងមូល។

ឯកឧត្តម នេត្រ ភក្ត្រា បានសម្តែងនូវជំនឿចិត្តយ៉ាងមុតមាំថា ការជួបជុំ និងតម្រង់ទិសជាបន្តបន្ទាប់នេះ នឹងក្លាយជាកម្លាំងចលករជួយឱ្យអង្គភាពសារព័ត៌មានទាំងអស់ រួមគ្នាកសាងសង្គមព័ត៌មានមួយដែលមានគុណភាព ផ្អែកលើតុល្យភាព ការទទួលខុសត្រូវ និងការគោរពសិទ្ធិមនុស្ស។

លោកក៏បានបញ្ជាក់ថា អ្នកសារព័ត៌មានដែលមានអាជីពខ្ពស់ មិនមែនទាក់ទាញដោយសារភាពជ្រួលច្របល់នោះទេ ប៉ុន្តែទាក់ទាញដោយសារ «ជំនឿទុកចិត្ត» ពីសាធារណជន។

គួរបញ្ជាក់ថា ក្នុងជំនួបនេះក៏មានការចូលរួមពីសហការីសារព័ត៌មានសានព្រហ្ម ដែលបានចូលរួមចំណែកយ៉ាងសកម្មក្នុងការពង្រឹងវិជ្ជាជីវៈសារព័ត៌មាន ដើម្បីលើកកម្ពស់សីលធម៌សង្គម និងការពារតម្លៃសិទ្ធិ កិត្តិយស និងសេចក្តីថ្លៃថ្នូររបស់ប្រជាជនកម្ពុជា៕

(សូមអានបន្ត)

ឯកឧត្ដមអភិសន្តិបណ្ឌិត ស សុខា ណែនាំឱ្យអនុវត្តប្រកាសថ្មី ចំនួន៣ ឱ្យបានម៉ឺងម៉ាត់ និងគ្មានការកែប្រែ រហូតដល់ឆ្នាំ២០៣០ ដើម្បីពង្រឹងអភិបាលកិច្ច និងអភិវឌ្ឍន៍ធនធានមនុស្ស

ប្រកាសចំនួន៣ ដាច់ដោយឡែកពីគ្នា ប៉ុន្តែដែលមានកម្មវត្ថុដូចគ្នា គឺដើម្បីពង្រឹងអភិបាលកិច្ច និងអភិវឌ្ឍន៍ធនធានមនុស្ស ត្រូវបានដាក់ឱ្យប្រើប្រាស់ជាផ្លូវការ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាថ្ងៃទី១៩ ខែសីហា ឆ្នាំ២០២៦ នៅទីស្តីការក្រសួងមហាផ្ទៃ។ ពិធីនេះមានការចូលរួម ពីថ្នាក់ដឹកនាំក្រសួងមហាផ្ទៃ និងថ្នាក់ដឹកនាំមកពីតាមបណ្តាអគ្គនាយកដ្ឋាន ចំណុះក្រសួងមហាផ្ទៃ អង្គភាពពាក់ព័ន្ធ ស្នងការដ្ឋានតាមបណ្តារាជធានី-ខេត្តសរុបប្រមាណ ១.៨២៥រូប ដោយផ្ទាល់ និងតាមប្រព័ន្ធអនឡាញ។

ប្រកាសទាំង៣នោះរួមមាន ១.ប្រកាសស្តីពីការកំណត់ចំនួនមុខតំណែងរងក្នុងរចនាសម្ព័ន្ធអង្គភាពនគរបាលជាតិ និងពន្ធនាគារក្រសួងមហាផ្ទៃ ២.ប្រកាសស្តីពីការកំណត់ចំនួនមុខតំណែងស្នងការរង នាយរងការិយាល័យ អធិការរង មេបញ្ជាការរង នាយរងផ្នែក និងនាយរងប៉ុស្តិ៍នគរបាល ចំណុះស្នងការដ្ឋាននគរបាលរាជធានី-ខេត្ត និងទី៣.ប្រកាសស្តីពីការកំណត់លក្ខខណ្ឌ នីតិវិធីជ្រើសរើស និងការចាត់បញ្ជូនមន្ត្រីរាជការនៃក្រសួងមហាផ្ទៃ និងសិស្ស-និស្សិតនគរបាលបន្តវេន ឱ្យចូលសិក្សាវគ្គបណ្តុះបណ្តាលនានាក្នុង និងក្រៅប្រទេស។

ឯកឧត្តមអភិសន្តិបណ្ឌិត បានគូសបញ្ជាក់យ៉ាងច្បាស់ថា ការដាក់ចេញប្រកាសទាំង៣នេះ គឺជាជំហានយុទ្ធសាស្ត្រដ៏មានសារសំខាន់បំផុតរបស់ក្រសួងមហាផ្ទៃ ក្នុងការលើកកម្ពស់អភិបាលកិច្ចល្អ ពង្រឹងប្រសិទ្ធភាពការងារស្ថាប័ន ក៏ដូចជាការធ្វើកំណែទម្រង់រចនាសម្ព័ន្ធគ្រប់គ្រងធនធានមនុស្ស ឱ្យឆ្លើយតបយ៉ាងស៊ីជម្រៅទៅនឹងផែនការយុទ្ធសាស្រ្តស្តីពីការគ្រប់គ្រង និងអភិវឌ្ឍន៍ធនធានមនុស្ស រយៈពេល៥ឆ្នាំ (២០២៦-២០៣០)។ កិច្ចការកំណែទម្រង់ធនធានមនុស្សនេះ ក៏បានស្តែងចេញយ៉ាងប្រាកដនិយម ស្របតាមទស្សនវិស័យដឹកនាំដ៏ឈ្លាសវៃរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានកំណត់យក មនុស្ស ជាអាទិភាពទី១ ក្នុងចំណោមអាទិភាពគន្លឹះនានា នៃយុទ្ធសាស្ត្របញ្ចកោណ។

បើតាមឯកឧត្តមអភិសន្តិបណ្ឌិត ឧបនាយករដ្ឋមន្ត្រី ការកសាង និងពង្រឹងសមត្ថភាពវិជ្ជាជីវៈ រួមទាំងការរៀបចំមន្ត្រីបន្តវេនឱ្យមានប្រព័ន្ធច្បាស់លាស់ គឺជាកត្តាគន្លឹះដ៏មានប្រជាប្រិយភាព និងជាគ្រឹះយ៉ាងរឹងមាំក្នុងការលើកកម្ពស់ប្រសិទ្ធភាពបំពេញភារកិច្ចស្នូល នៅតាមគ្រប់រចនាសម្ព័ន្ធអង្គភាពចំណុះក្រសួងមហាផ្ទៃ ហើយថា ការធ្វើបែបនេះ គឺដើម្បីធានាឱ្យបានដាច់ខាតនូវការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ជូនប្រជាពលរដ្ឋនៅទូទាំងប្រទេស ប្រកបដោយចីរភាព និងនិរន្តរភាព។

ជាការកត់សម្គាល់ ប្រមុខក្រសួងមហាផ្ទៃ បានផ្តល់អនុសាសន៍ណែនាំយ៉ាងម៉ឺងម៉ាត់បំផុត ដល់គ្រប់អង្គភាពពាក់ព័ន្ធ និងមន្ត្រីទាំងអស់ ត្រូវរួមគ្នាអនុវត្តតាមស្មារតីនៃប្រកាសថ្មីទាំង៣នេះ ឱ្យមានប្រសិទ្ធភាពខ្ពស់ រហូតដល់ឆ្នាំ២០៣០ ដោយមិនត្រូវមានការកែប្រែចំណុចណាមួយជាដាច់ខាត ពោលគឺរក្សាគោលការណ៍ដើម និងអនុវត្តឱ្យបានតឹងរ៉ឹង ដើម្បីឆ្លុះបញ្ចាំងពីតម្លៃ គុណភាព និងប្រសិទ្ធភាពពិតប្រាកដនៃការខិតខំប្រឹងប្រែងតាក់តែងលិខិតបទដ្ឋានគតិយុត្តិទាំងនេះ ឱ្យលេចចេញជាលទ្ធផលជាក់ស្តែងនៅលើទីលានការងារ។

សូមបញ្ជាក់ថា ប្រកាសទាំងនេះបានកំណត់នូវចំនួនមុខតំណែងយ៉ាងច្បាស់ ក្នុងរចនាសម្ព័ន្ធនីមួយៗ រួមមាន ប្រកាសទី១. ត្រូវបានកំណត់ចំនួនមុខតំណែងរង ក្នុងរចនាសម្ព័ន្ធអង្គភាពនគរបាលជាតិ ត្រូវមានអគ្គលេខាធិការរងចំនួនចន្លោះពី៤ទៅ ៦រូប អគ្គស្នងការរង ចំនួនពី១៤ទៅ ១៦រូប អគ្គនាយករងធនធានមនុស្ស ចំនួនពី៤ទៅ ៦រូប អគ្គនាយករងភស្តុភារនិងហិរញ្ញវត្ថុ ចំនួនពី ៧ទៅ ៩រូប អគ្គាធិការរង ចំនួនពី៥ ទៅ ៧រូប អគ្គនាយករងអន្តោប្រវេសន៍ ចំនួនពី៧ ទៅ ៩រូប អគ្គនាយករងអត្តសញ្ញាណកម្ម ចំនួនពី៧ ទៅ ៩រូប អនុប្រធានបណ្ឌិត្យសភានគរបាលកម្ពុជា ចំនួនពី៨ ទៅ ១០រូប អគ្គនាយករងសវនកម្មផ្ទៃក្នុង ចំនួនពី៣ ទៅ ៥រូប អនុប្រធានក្រុមប្រឹក្សានីតិកម្ម ចំនួនពី៥ ទៅ ៧រូប អគ្គនាយករងបច្ចេកវិទ្យាឌីជីថលនិងផ្សព្វផ្សាយអប់រំ ចំនួនពី៦ ទៅ ៨រូប។

ចំពោះ មុខតំណែងអនុប្រធានសេនាធិការដ្ឋាន អនុប្រធាននាយកដ្ឋានកណ្តាល ត្រូវមាន ចំនួនពី៣ ទៅ ៥រូប អនុប្រធាននាយកដ្ឋាន ចំនួនពី ៤ ទៅ ៦រូប នាយរងការិយាល័យ ចំនួន ៤រូប នាយរងផ្នែក ចំនួន ២រូប។ ចំពោះចំនួនមុខតំណែងរង ក្នុងរចនាសម្ព័ន្ធអង្គភាពពន្ធនាគារ រួមមាន អគ្គនាយករង ចំនួនពី៥ ទៅ ៧រូប អនុប្រធាននាយកដ្ឋាន ចំនួនពី៤ ទៅ ៦រូប អនុប្រធានមណ្ឌលអប់រំកែប្រែ អនុប្រធានពន្ធនាគាររាជធានី ខេត្ត ចំនួនពី៤ ទៅ ៦រូប អនុប្រធានការិយាល័យ ចំនួន៤រូប អនុប្រធានផ្នែក ចំនួន ២រូប។

ប្រកាសទី២. ត្រូវបានកំណត់មុខតំណែង ស្នងការរងនៃស្នងការដ្ឋាននគរបាលរាជធានី-ខេត្ត រួមមាន ស្នងការរងនគរបាលរាជធានីភ្នំពេញ ត្រូវមានចំនួនពី១៤ ទៅ១៦រូប ស្នងការរងនគរបាលខេត្តជាប់ព្រំដែន មានចំនួនពី១២ ទៅ ១៤រូប ស្នងការរងនគរបាលខេត្តមិនជាប់ព្រំដែន និងខេត្តព្រះវិហារ មានចំនួនពី១១ ទៅ ១៣រូប ស្នងការរងនគរបាលខេត្តកែប និងខេត្តប៉ៃលិន មានចំនួនពី៧ ទៅ ៩រូប។ ចំពោះស្នងការរងទទួលផែនការងារប្រឆាំងការជួញដូរមនុស្ស និងការពារអនីតិជន និងការងារយេនឌ័រ ត្រូវមាន១រូប ជានារី។

ចំពោះមុខតំណែងនាយរងការិយាល័យ ត្រូវមានចំនួន ៤រូប អធិការរងនគរបាលខណ្ឌ មានចំនួន ៨រូប អធិការរងនគរបាលក្រុងសៀមរាប និងក្រុងព្រះសីហនុ មានចំនួន ៨រូប អធិការរងនគរបាលក្រុង ស្រុក មានចំនួន ៦រូប មេបញ្ជាការរងវរសេនាតូចនគរបាលការពារព្រំដែនគោក មានចំនួន ៤រូប។ចំពោះ នាយរងការិយាល័យ អធិការរងនគរបាល និងមេបញ្ជាការរង ត្រូវមាន១រូប ជានារី។ រីឯមុខតំណែងនាយរងផ្នែក ចំណុះការិយាល័យ ត្រូវមានចំនួន ២រូប នាយរងផ្នែកចំណុះអធិការដ្ឋាននគរបាលក្រុង ស្រុក ខណ្ឌ មានចំនួន ២រូប នាយរងផ្នែកចំណុះវរសេនាតូចនគរបាលការពារព្រំដែនគោក មានចំនួន២រូប នាយរងប៉ុស្តិ៍នគរបាលរដ្ឋបាលសង្កាត់ នៃអធិការដ្ឋាននគរបាលខណ្ឌ មានចំនួន ៤រូប នាយរងប៉ុស្តិ៍នគរបាលរដ្ឋបាលឃុំ សង្កាត់ មានចំនួន ៣រូប និងនាយរងប៉ុស្តិ៍នគរបាលការពារព្រំដែនគោក មានចំនួន ២រូប។

ដោយឡែកចំពោះប្រកាសទី៣ ស្តីពីការកំណត់លក្ខខណ្ឌ នីតិវិធីជ្រើសរើស និងការចាត់បញ្ជូនមន្ត្រីរាជការនៃក្រសួងមហាផ្ទៃ និងសិស្ស-និស្សិតនគរបាលបន្តវេន ឱ្យចូលសិក្សាវគ្គបណ្តុះបណ្តាលនានាក្នុង និងក្រៅប្រទេស គឺសម្រេចពីការជ្រើសរើស និងការចាត់បញ្ជូនមន្ត្រីរាជការ និង សិស្ស និស្សិតនគរបាលបន្តវេន ឱ្យចូលសិក្សា វគ្គបណ្តុះបណ្តាលនានា មានគោលបំណង ផ្តល់ចំណេះដឹងនិងជំនាញវិជ្ជាជីវៈ បង្កើនគុណវុឌ្ឍិ សមត្ថភាព វិជ្ជាជីវៈ និងចំណេះដឹងថ្មីៗ ដកស្រង់បទពិសោធ លក្ខណៈជាតិ និងអន្តរជាតិ លើកកម្ពស់ប្រសិទ្ធភាពការងារដឹកនាំ គ្រប់គ្រង និងការអនុវត្តការងារតាមជំនាញនីមួយៗ លើកកម្ពស់ស្មារតី ឆន្ទៈមនសិការ ការទទួលខុសត្រូវ ការពង្រឹងវិន័យ និងក្រមសីលធម៌វិជ្ជាជីវៈ ការចាត់បញ្ជូនទៅបណ្តុះបណ្តាលនានា ស្របតាមលក្ខខណ្ឌនិងតម្រូវការចាំបាច់។ ប្រកាសនេះមានវិសាលភាពអនុវត្តចំពោះ ក្របខណ្ឌមន្ត្រីនគរបាលជាតិកម្ពុជា ក្របខណ្ឌមន្ត្រី ពន្ធនាគារ ក្របខណ្ឌមន្ត្រីរាជការស៊ីវិលក្រសួងមហាផ្ទៃ និង សិស្ស និស្សិតនគរបាលបន្តវេន៕

(សូមអានបន្ត)

រាជធានីភ្នំពេញ៖ នារសៀលថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ លោកនួននីប្រធានសមាគសារព័ត៌មានសុក្រឹត អញ្ជើញចូលរួម កិច្ចប្រជុំបូកសរុបលទ្ធផលការងារអនុវត្តក្នុងឆមាសទី១ ឆ្នាំ២០២៦

 

រាជធានីភ្នំពេញ៖ នារសៀលថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

លោកនួននីប្រធានសមាគសារព័ត៌មានសុក្រឹត អញ្ជើញចូលរួម កិច្ចប្រជុំបូកសរុបលទ្ធផលការងារអនុវត្តក្នុងឆមាសទី១ ឆ្នាំ២០២៦  ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដោយមានការចូលរួមពីថ្នាក់ដឹកនាំ និងប្រធានសមាគមអ្នកសារព័ត៌មានជាច្រើនរូប

កិច្ចប្រជុំនេះ ត្រូវបានប្រារព្ធឡើងនាសាលប្រជុំព្រះវិហារ ទីស្តីការក្រសួងព័ត៌មាន

(សូមអានបន្ត)

ប្រសាសន៍សំខាន់ៗរបស់ សម្តេចមហាបវរធិបតី ហ៊ុន ម៉ាណែត អញ្ជើញជួបសំណេះសំណាលជាមួយអាចារ្យ អាចារិនី

(ភ្នំពេញ)៖ នៅព្រឹកថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញ​សំណេះសំណាលជាមួយអាចារ្យ អាចារិនីទូទាំងប្រទេសលើកទី១១ ចំនួនជាង១ពាន់នាក់។ ពិធី​សំណេះសំណាលនេះ ធ្វើឡើងនៅវិទ្យាស្ថានជាតិអប់រំ។

(សូមអានបន្ត)

ព្រះមហាក្សត្រ នឹងយាងជាព្រះរាជាធិបតី សម្ពោធ «វិមានសាមគ្គីភាព» នៃព្រឹទ្ធសភា នៅថ្ងៃទី២១ ខែសីហា

(ភ្នំពេញ)៖ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នឹងស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធ «វិមានសាមគ្គីភាព» នៃព្រឹទ្ធសភា នាព្រឹកថ្ងៃសុក្រ ទី២១ ខែសីហា ឆ្នាំ២០២៦ វេលាម៉ោង៩:០០នាទី នៅវិមានព្រឹទ្ធសភា។

យោងតាមសេចក្តីជូនដំណឹងរបស់អគ្គលេខាធិការដ្ឋានព្រឹទ្ធសភា ព្រះរាជពិធីសម្ពោធ «វិមានសាមគ្គីភាព» នឹងប្រព្រឹត្តទៅក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជារាស្ត្រកម្ពុជា។

«វិមានសាមគ្គីភាព» គឺជាអគាររដ្ឋបាលថ្មីរបស់ព្រឹទ្ធសភា ដែលបានបញ្ចប់ការសាងសង់នៅដើមឆ្នាំ២០២៦ និងត្រូវបានសាងសង់ឡើងដោយផ្អែកលើរចនាបទខ្មែរទាំងស្រុង។ អគារនេះស្ថិតក្រោមការដឹកនាំកសាងរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា។

មុនពេលប្រារព្ធព្រះរាជពិធីសម្ពោធជាផ្លូវការ កាលពីថ្ងៃទី២៣ ខែមករា ឆ្នាំ២០២៦ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញជាអធិបតីក្នុងពិធីក្រុងពលី និងសូត្រមន្តឡើងអគារ «វិមានសាមគ្គីភាព»។

ព្រះរាជពិធីសម្ពោធនៅថ្ងៃទី២១ ខែសីហា ឆ្នាំ២០២៦ ខាងមុខនេះ ត្រូវបានចាត់ទុកជាព្រះរាជពិធីដ៏មានសារៈសំខាន់មួយ ដោយមានការរៀបចំយ៉ាងយកចិត្តទុកដាក់ ដើម្បីធានាឱ្យព្រះរាជពិធីប្រព្រឹត្តទៅដោយរលូន មហោឡារិក មានកិត្តិយស និងកិត្យានុភាពជាតិ៕

(សូមអានបន្ត)

ក្រសួងទេសចរណ៍ និងសមាគមសហព័ន្ធយុវជនសេដ្ឋកិច្ចកម្ពុជា ឯកភាពពង្រឹងកិច្ចសហប្រតិបត្តិការ លើកកម្ពស់ជំនាញ និងជំរុញសេដ្ឋកិច្ចក្រៅប្រព័ន្ធក្នុងវិស័យទេសចរណ៍

(ភ្នំពេញ)៖ លោក ហួត ហាក់ រដ្ឋមន្ត្រីក្រសួងទេសចរណ៍ នៅថ្ងៃទី១៧ ខែសីហា ឆ្នាំ២០២៦ បានអនុញ្ញាតជូន លោកឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធយុវជនសេដ្ឋកិច្ចកម្ពុជា និងសហការី ចូលជួបសម្តែងការគួរសម និងពិភាក្សាការងារ ដើម្បីពង្រឹងកិច្ចសហប្រតិបត្តិការ និងជំរុញការអភិវឌ្ឍសេដ្ឋកិច្ចក្រៅប្រព័ន្ធក្នុងវិស័យទេសចរណ៍កម្ពុជាឱ្យកាន់តែរីកចម្រើន។

(សូមអានបន្ត)

ក្រសួងអប់រំ ប្រកាសជ្រើសរើសនិស្សិតនារីក្រីក្រ អាហារូបករណ៍ និងបង់ថ្លៃ ឱ្យស្នាក់នៅបណ្តោះអាសន្ន នៅក្នុងមជ្ឈមណ្ឌលអន្តេវាសិកនិស្សិតនារី

(ភ្នំពេញ)៖ ក្រសួងអប់រំ យុវជន និងកីឡា បានចេញសេចក្ដីជូនដំណឹង ស្ដីពីការជ្រើសរើសនិស្សិតនារីក្រីក្រ អាហារូបករណ៍ និងបង់ថ្លៃ ឱ្យស្នាក់នៅបណ្តោះអាសន្ននៅក្នុងមជ្ឈមណ្ឌលអន្តេវាសិកនិស្សិតនារី សម្រាប់ឆ្នាំសិក្សា ២០២៦-២០២៧៕

ខាងក្រោមនេះ ជាសេចក្តីជូនដំណឹងរបស់ក្រសួងអប់រំ៖

(សូមអានបន្ត)

អភិបាលខេត្តកំពង់ឆ្នាំង បន្តផ្តល់ជូនផ្លូវបេតុងជាច្រើនខ្សែ ដល់ពលរដ្ឋក្នុងស្រុកកំពង់លែង ដែលកំពុងត្រូវការជាចាំបាច់

រដ្ឋបាលខេត្តកំពង់ឆ្នាំងបច្ចុប្បន្នបាននិងកំពុងយកចិត្តទុកដាក់ខ្ពស់ ក្នុងការអភិវឌ្ឍន៍ទៅលើគ្រប់វិស័យ ពិសេសគឺហេដ្ឋារចនាសម្ព័ន្ធ និងប្រព័ន្ធធារាសាស្រ្ត ដើម្បីលើកកម្ពស់ជីវភាពរស់នៅ និងភាពងាយស្រួលក្នុងការធ្វើដំណើរ ធានាបាននូវសុវត្ថិភាព និងធានាទៅលើផលដំ ណាំកសិកម្មរបស់ពលរដ្ឋក្នុងមូលដ្ឋានផងដែរ។

(សូមអានបន្ត)

ឯកឧត្តមរដ្ឋមន្រ្តី ប៉េង ពោធិ៍នា ចុះពិនិត្យវឌ្ឍនភាពស្ថានីយប្រព្រឹត្តកម្មទឹកកខ្វក់ខេត្តកំពត

ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន នារសៀលថ្ងៃអាទិត្យទី១៦ ខែសីហា ឆ្នាំ២០២៦នេះ បានអញ្ជើញចុះពិនិត្យវឌ្ឍនភាពការងារលើស្ថានីយប្រព្រឹត្តកម្មទឹកកខ្វក់ខេត្តកំពត ដោយមានការចូលរួមពីឯកឧត្តម ម៉ៅ ធនិន អភិបាលខេត្តកំពត ថ្នាក់ដឹកនាំក្រសួង ប្រធានមន្ទីរខេត្តកំពត និងមន្ត្រីបច្ចេកទេសពាក់ព័ន្ធផងដែរ។

(សូមអានបន្ត)

អាជ្ញាធរខេត្តតាកែវ ចាប់ផ្ដើមបើកការដ្ឋានសាងសង់វេទិកាអុំទូក នៅបឹងតាកែវ ក្នុងក្រុងដូនកែវ

  

តាកែវ៖ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ នៅថ្ងៃសុក្រ ទី១៤ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីក្រុងពលីសែនព្រេនម្ចាស់ទឹកម្ចាស់ដី ដើម្បីបើកការដ្ឋានសាងសង់ជាផ្លូវការនូវវេទិកាអុំទូកនៅបឹងតាកែវ ដែលស្ថិតនៅក្នុងសង្កាត់រកាក្នុង ក្រុងដូនកែវ។

(សូមអានបន្ត)

រដ្ឋមន្ត្រីក្រសួងព័ត៌មាន៖ ការអះអាងរបស់យោធាថៃថា «វាយប្រហារតែលើគោលដៅយោធា» មិនស្របនឹងផលវិបាកជាក់ស្តែងលើជនស៊ីវិល ចេញពីសកម្មភាពឈ្លានពានប្រដាប់អាវុធលើកម្ពុជា

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន នៅថ្ងៃទី១៤ ខែសីហា ឆ្នាំ២០២៦នេះ បានលើកឡើងថា យោធាថៃ បានអះអាងជាបន្តបន្ទាប់ថា ប្រតិបត្តិការយោធារបស់ខ្លួនប្រឆាំងកម្ពុជា ត្រូវបានធ្វើឡើងស្របតាមច្បាប់មនុស្សធម៌អន្តរជាតិ និងផ្តោតតែលើគោលដៅយោធាប៉ុណ្ណោះ ដោយគោរពគោលការណ៍ភាពចាំបាច់ និងសមាមាត្រ។

(សូមអានបន្ត)

កម្ពុជាស្វាគមន៍ការតែងតាំងប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ

 កម្ពុជាស្វាគមន៍ការតែងតាំងប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ

Cambodia Welcomes the Appointment of the Chairperson of the Conciliation Commission under UNCLOS

(សូមអានបន្ត)

សម្តេចមហាបវរធិបតី ហ៊ុន ម៉ាណែត អនុញ្ញាតឱ្យអនុរដ្ឋមន្ត្រីសង្គ្រាមអាមេរិក ជួបសម្តែងការគួរសម

  

នៅព្រឹកថ្ងៃសុក្រ ទី១៤ ខែសីហា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យលោក Elbridge A. Colby អនុរដ្ឋមន្ត្រីសង្គ្រាមរបស់អាមេរិក ទទួលបន្ទុកគោលនយោបាយ ជួបសម្តែងការគួរសម និងពិភាក្សាការងារ នៅវិមានសន្តិភាព។

សូមបញ្ជាក់ថា អនុរដ្ឋមន្ត្រីសង្គ្រាមរបស់អាមេរិក កំពុងបំពេញទស្សនកិច្ចនៅកម្ពុជា ដើម្បីពង្រឹងកិច្ចសហប្រតិបត្តិការមួយចំនួន រួមទាំងវិស័យការពារជាតិរវាងប្រទេសទាំងពីរ៕

(សូមអានបន្ត)