ប្រធានសមាគមធុរកិច្ចជប៉ុន ប្រចាំនៅប្រទេសកម្ពុជា៖ តាមរយៈការយកចិត្តទុកដាក់របស់រាជរដ្ឋាភិបាលកម្ពុជា សមាជិករបស់ខ្លួនមានទំនុកចិត្តខ្លាំង ក្នុងការបណ្តាក់ទុនវិនិយោគនៅកម្ពុជា

  

 

POSTED ON

ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា រួមជាមួយលោក Akira Yoshimoto ប្រធានសមាគមធុរកិច្ចជប៉ុនប្រចាំនៅកម្ពុជា (JBAC) នាព្រឹកថ្ងៃទី២៧ ខែមេសា ឆ្នាំ២០២៦ បានអញ្ជើញដឹកនាំកិច្ចប្រជុំពិភាក្សាផ្លាស់ប្តូរយោបល់ លើបច្ចុប្បន្នភាពប្រតិបត្តិការរបស់ក្រុមហ៊ុនជប៉ុននៅកម្ពុជា ដោយមានការចូលរួមពីអ្នកតំណាងក្រសួង-ស្ថាប័នពាក់ព័ន្ធ និងតំណាងក្រុមហ៊ុនជប៉ុន ដែលមានប្រតិបត្តិការវិនិយោគនៅកម្ពុជាជាច្រើនរូបផងដែរ។

(សូមអានបន្ត)

ចុមកន្តុំឆែប ចំជាថ្លើមពាសមេឃមែន ទាហានពាក់ផ្កាយដល់ទៅ៣ម្នាក់ឈ្មោះ សិទ្ធិ បានបើកបនល្បែងទម្រង់(Mini Casino)កណ្តាលក្រុងភ្នំពេញ!គ្មាននរណាហ៊ានចុះបង្ក្រាបឡើយអាចត្រូវថ្នាំUSDស្រងល់អស់ហើយ?

ចុមកន្តុំឆែប ស្អុយគំរង់ខ្មោចល្បែងងាប់តៃហោងស្អុយរាប់រាប់ខែមកហើយ ហើយទើបតែរលួយ រហែកថង់ស្អុយបញ្ច្រាសខ្យល់គួរអោយរអើម។
ប្រភពអោយដឹងថា ព្រោះតែអាងខ្លួនទាហានពាក់ផ្កាយដល់ទៅ៣ លោកសិទ្ធថ្លើមដុះមមីស ឈរកាងបើកបនល្បែង
ទម្រង់ជា(MiniCasino)នៅចំកណ្តាល
ក្រុងភ្នំពេញ ទាំងចៅហ្វាយខណ្ឌឈ្មោះ
ជា ពិសីធ្វើជាមិនដឹងទាំងអធិការខណ្ឌ ធ្វើជាមិនឃើញ រួមទាំងមេប៉ុស្តិ៍សង្កាត់ទឹកល្អក់៣ធ្វើដូចមនុស្សខកវាក់តែម្តង ព្រោះបើកយូរយារណាស់មកហើយ មិនអាចមេប៉ុស្តិ៍មិមឃញទេ បើមិនឃើញមែនមានតែខ្វាក់។
ប្រភពបន្តថា៖ទឺតាំងបនល្បែងនេះស្ថិតក្នុងភូមិ១ សង្កាត់ទឹកល្អក់៣ ខណ្ឌទួកគោក ឯមនុស្សញៀនល្បែងវិញគេឃើញចូលលេង ពពាក់ពពូនដូចគោហ្វូង  បែប
នេះទៅហើយ គេកោតតែអាជ្ញាធរខណ្ឌ
ទួលគោក អធិការខណ្ឌ នឹងមេប៉ុស្តិ៍ទឹកល្អក់៣ធ្វើមិនដឹង មិនឃើញ កន្ទេលធំបន្លំដេកទាំងមុខក្រាសឃ្មឺកទៅកើត?។  អ្នកញៀនល្បែង ពពាក់ពពូនលេងយ៉ាងសេរី ក្រោមរូបភាពបើកតារាងបាល់ទះ បង្កប់ល្បែងសុីសងគ្រប់ប្រភេទ ដូចកាសុីណូ ចំជានាំគ្នាព្រហើនមែន មែនទេ?ហួសចិត្តដែលលោកផ្កាយ៣ឈ្មោះសិទ្ធហាក់មិនកោតខ្លាចលោកឃួង ស្រង អភិបាលក្រុងនិងលោកជួន ណារិន្ទស្នងការក្រុងបុិនក្រចកដៃបែបនេះឬលោកធំនៅក្រុងក៏ត្រូវថ្នាំសណ្តំរបស់លោកផ្កាយ៣អស់ដែរ?ទើបនាំគ្នាមើលស្រាលដូចសំរាមត្រូវឆ្កែជុះដាក់អញ្ចឹង? តើស្អីទៅរបស់ដែលគេហៅថា (ភូមិឃុំមានសុវត្ថិភាព)នោះ។
ស្មើសុំឯកឧត្តមស សុខា រដ្ឋមន្ត្រីក្រសួងមហាផ្ទៃមេត្តាជ្រាប់ទៅទានប្រោស ល្បីថាលោកផ្កាយ៣នេះបានពង្រីកសាខាល្បែងធំៗបាន៣ទីតាំងទៀតហើយសូមទានជ្រាប៕

(សូមអានបន្ត)

រដ្ឋមន្រ្តីសុខាភិបាល ជំរុញគណៈកម្មាធិការត្រួតពិនិត្យផលិតផលថ្នាំជក់ និងស្ថាប័នពាក់ព័ន្ធ រួមគ្នាការពារប្រជាជនពីបារីអេឡិចត្រូនិចឱ្យមានប្រសិទ្ធភាព ដើម្បីអភិវឌ្ឍមូលធនមនុស្សប្រកបដោយចីរភាព

ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងជាប្រធានគណៈកម្មាធិការត្រួតពិនិត្យផលិតផលថ្នាំជក់ បានអំពាវនាវដល់គណៈកម្មាធិការត្រួតពិនិត្យផលិតផលថ្នាំជក់ និងស្ថាប័នពាក់ព័ន្ធទាំងអស់ រួមគ្នាជំរុញការអនុវត្តការងារត្រួតពិនិត្យផលិតផលថ្នាំជក់ និងការពារប្រជាជនពីបារីអេឡិចត្រូនិចឱ្យមានប្រសិទ្ធភាព ដើម្បីអភិវឌ្ឍមូលធនមនុស្សប្រកបដោយចីរភាព។

(សូមអានបន្ត)

អភិបាលរាជធានីភ្នំពេញ ជួបពិភាក្សាការងារជាមួយអភិបាលក្រុងតូក្យូ ក្នុងឱកាសអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូលលើកទី៣ នៃបណ្តាញទីក្រុង សកលសម្រាប់ចីរភាព

ឯកឧត្តម ឃួង ស្រេង អភិបាលរាជធានីភ្នំពេញ នារសៀលថ្ងៃទី២៧ ខែមេសា ឆ្នាំ២០២៦ បានអញ្ជើញចូលជួបពិភាក្សាការងារជាមួយលោកស្រី យូរីកូ កូអ៉ីកេ អភិបាលក្រុងតូក្យូ ក្នុងឱកាសដែលលោកអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូលលើកទី៣ នៃបណ្តាញទីក្រុង សកលសម្រាប់ចីរភាព (3rd G-NETS Leaders Summit) នៅទីក្រុងតូក្យូ ប្រទេសជប៉ុន។

(សូមអានបន្ត)

ទេសរដ្ឋមន្ត្រី ថោង ខុន ដឹកនាំប្រជុំបូកសរុបការងារគណបក្សស្រុកតាំងគោកប្រចាំខែមេសា និងណែនាំដាក់ទិសដៅឆ្ពោះទៅរកការបោះឆ្នោតក្រុមប្រឹក្សាឃុំឆ្នាំ២០២៧

(កំពង់ធំ)៖ លោកបណ្ឌិត ថោង ខុន ទេសរដ្ឋមន្រ្តី សមាជិកគណៈកម្មាធិការកណ្តាល អនុប្រធានទី១ ក្រុមការងារគណបក្សចុះមូលដ្ឋានខេត្តកំពង់ធំ និងជាប្រធានក្រុមការងារគណបក្សចុះមូលដ្ឋានស្រុកតាំងគោក នាព្រឹកថ្ងៃទី២៦ ខែមេសា ឆ្នាំ២០២៥ បានអញ្ជើញដឹកនាំកិច្ចប្រជុំបូកសរុបការងារគណបក្សស្រុកតាំងគោកប្រចាំខែមេសា ឆ្នាំ២០២៦ ជាមួយនឹងការដាក់ចេញទិសដៅណែនាំថ្មីៗបន្ថែមទៀត ជាពិសេសការទប់ស្តាត់ និងបោសសំអាត និងប្រឆាំងដាច់ខាតមិនឱ្យមានបញ្ហា Online Scams នៅមូលដ្ឋានស្រុកតាំងគោក (ប្រសិនបើមាន) ដើម្បីរួមចំណែកដល់ការបោសសំអាត សកម្មភាពនេះឱ្យអស់ពីទឹកដីកម្ពុជា ព្រោះបញ្ហានេះគឺជាសត្រូវដ៏ធំ និងគ្រោះថ្នាក់បំផុតសម្រាប់ជាតិ។

(សូមអានបន្ត)

សម្តេចបវរធិបតី ហ៊ុន ម៉ាណែត ចេញសារាចរណែនាំ ស្តីពីការរៀបចំខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៦

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារាចរណែនាំ ស្តីពីការរៀបចំខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៦។

ទិវាពលកម្មអន្តរជាតិ ១ ឧសភា ជាព្រឹត្តិការណ៍ប្រវត្តិសាស្ត្រនៃចលនាកម្មករអន្តរជាតិ ដែលព្រះរាជាណាចក្រកម្ពុជា តែងតែប្រារព្ធជារៀងរាល់ឆ្នាំ ចាប់តាំងពីឆ្នាំ១៩៧៩ រហូតមកដល់បច្ចុប្បន្ន។ នៅឆ្នាំ២០២៦នេះ ខួបអនុស្សាវរីយ៍ លើកទី១៤០ នៃទិវាពលកម្មអន្តរជាតិ ១ ឧសភា នឹងប្រារព្ធឡើងក្រោមប្រធានបទ «រួមគ្នាកសាងភាពធន់ ដើម្បីការងារសមរម្យ»។

ដើម្បីរៀបចំខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៦នេះ ឱ្យប្រព្រឹត្តទៅបានល្អប្រសើរ រាជរដ្ឋាភិបាល បានដាក់ចេញនូវវិធានការណែនាំ ដូចខាងក្រោម៖

១- ក្រសួងការងារ និងបណ្តុះបណ្តាលវិជ្ជាជីវៈ ដោយសហការជាមួយក្រសួង ស្ថាប័ន និងភាគីពាក់ព័ន្ធ ត្រូវរៀបចំប្រារព្ធពិធីរំលឹកខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ថ្នាក់ជាតិ ដោយមានការចូលរួមពីកម្មករនិយោជិត និយោជក និងដៃគូពាក់ព័ន្ធ។

២- ក្រសួងព័ត៌មាន ត្រូវណែនាំប្រព័ន្ធឃោសនារបស់រដ្ឋនិងឯកជន និងបណ្តាញសារព័ត៌មានសង្គមនានា ឱ្យផ្សព្វផ្សាយសារាចរ និងសារលិខិតរបស់ប្រមុខរាជរដ្ឋាភិបាល និងសកម្មភាពនានារបស់កម្មករនិយោជិត ក្នុងឱកាសខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា។

៣-ក្រសួង ស្ថាប័នពាក់ព័ន្ធ រដ្ឋបាលរាជធានី ខេត្ត ត្រូវជ្រើសរើសទីតាំងសមស្របដូចជា ដងវិថី និង

ទីតាំងសំខាន់ៗ ដើម្បីចងបដាពាក្យស្លោកតាមខ្លឹមសារ ដូចខាងក្រោម៖

- អបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា

- រួមគ្នាកសាងភាពធន់ដើម្បីការងារសមរម្យ

- ប្តេជ្ញាបន្តជំរុញ «សហគ្រាសមួយជាសហគមន៍សុខសាន្តមួយ»

- រួមគ្នាលើកកម្ពស់សុខដុមនីយកម្មនៃទំនាក់ទំនងវិជ្ជាជីវៈ

- រោងចក្រជាឆ្នាំងបាយរួមរបស់បងប្អូនកម្មករនិយោជិតនិងនិយោជក

- រួមគ្នាធានាឱ្យបាននូវរបបសន្តិសុខសង្គមសម្រាប់កម្មករនិយោជិត

- សន្តិភាពជាមូលដ្ឋានគ្រឹះនៃនិរន្តរភាពមុខរបរនិងការងារ

- សុវត្ថិភាពនិងសុខភាពការងារ ជាមូលដ្ឋានគ្រឹះភាពធន់នៃកម្លាំងពលកម្ម

- ជំរុញការវិនិយោគនិងបង្កើនឱកាសការងារសមរម្យ

- មានការងារ បង្កើនជំនាញ បង្កើនផលិតភាពការងារ។

៤- ម្ចាស់សហគ្រាស ក្រុមហ៊ុន រោងចក្រ ត្រូវរៀបចំចងបដាពាក្យស្លោក ដូចមានខ្លឹមសារក្នុងចំណុចទី៣ ខាងលើនេះ នៅច្រកចេញចូលនិងនៅតាមអគារសហគ្រាស ក្រុមហ៊ុន រោងចក្ររបស់ខ្លួន។

៥- អង្គការវិជ្ជាជីវៈរបស់កម្មករនិយោជិត អង្គការវិជ្ជាជីវៈរបស់និយោជក កម្មករនិយោជិត និងនិយោជកនៃសហគ្រាស ក្រុមហ៊ុន រោងចក្រនីមួយៗ ព្រមទាំងដៃគូពាក់ព័ន្ធ ត្រូវរួមគ្នាប្រារព្ធពិធីអបអរសាទរ ខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ក្នុងគោលដៅបង្ហាញឱ្យឃើញ ពីភាពថ្លៃថ្នូរ ភាពចាស់ទុំ និងភាពប្រសើរឡើងនៃសិទ្ធិសេរីភាពរបស់កម្មករនិយោជិត និងសុខដុមនីយកម្ម នៃទំនាក់ទំនងវិជ្ជាជីវៈ ដើម្បីបង្កើនការទាក់ទាញទុនវិនិយោគ និងបង្កើតឱកាសការងារកាន់តែប្រសើរ និងសមរម្យ ជូនបងប្អូនកម្មករនិយោជិតនិងប្រជាពលរដ្ឋ។

៦- ក្រសួងមហាផ្ទៃ អគ្គស្នងការដ្ឋាននគរបាលជាតិ បញ្ជាការដ្ឋានកងរាជអាវុធហត្ថលើផ្ទៃប្រទេស រដ្ឋបាល រាជធានី ខេត្ត និងស្ថាប័នពាក់ព័ន្ធទាំងអស់ ត្រូវធានារក្សាការពារសន្តិសុខ សុវត្ថិភាព សណ្តាប់ធ្នាប់ សាធារណៈក្នុងឱកាសនៃការប្រារព្ធទិវាពលកម្មអន្តរជាតិ ១ ឧសភា នេះ ឱ្យបានល្អ។

៧-អភិបាលនៃគណៈអភិបាលរាជធានី ខេត្ត ត្រូវសហការជាមួយនឹងអង្គការវិជ្ជាជីវៈរបស់កម្មករនិយោជិត និងអង្គការវិជ្ជាជីវៈរបស់និយោជក ដូចតទៅ៖

- រៀបចំពិធីអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា នៅតាម រាជធានី ខេត្តនីមួយៗ

- ដឹកនាំរៀបចំកម្មវិធីកម្សាន្តសប្បាយៗ ដើម្បីអបអរសាទរទិវាពលកម្មអន្តរជាតិ ១ ឧសភា នៅតាម សហគ្រាស ក្រុមហ៊ុន រោងចក្រនីមួយៗ តាមស្ថានភាពជាក់ស្តែង។

៨- មន្ទីរការងារនិងបណ្តុះបណ្តាលវិជ្ជាជីវៈរាជធានី ខេត្ត ត្រូវធ្វើជាសេនាធិការជូនគណៈអភិបាលរាជធានី ខេត្ត ក្នុងការរៀបចំពិធីអបអរសាទរនិងកម្មវិធីនានា។

៩- ក្រសួងការងារនិងបណ្តុះបណ្តាលវិជ្ជាជីវៈ ត្រូវរៀបចំឯកសារនិងតាមដានបូកសរុបការរៀបចំពិធីនេះ ដើម្បីរាយការណ៍ជូនប្រមុខរាជរដ្ឋាភិបាល។

រាជរដ្ឋាភិបាលលើកទឹកចិត្តដល់មន្ត្រីរាជការគ្រប់លំដាប់ថ្នាក់ និយោជក បងប្អូនកម្មករនិយោជិតខ្មែរនិង បរទេសទាំងអស់ ចូលរួមរំលឹកខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា នៅក្នុងបរិយាកាស សោមនស្សរីករាយ សាមគ្គីភាព និងភាតរភាព ដើម្បីឱ្យស័ក្តិសមជាទិវាការងាររបស់ជាតិយើង៕

(សូមអានបន្ត)

ឯកឧត្តម វង្សី វិស្សុត ដឹកនាំកិច្ចប្រជុំបូកសរុបលទ្ធផលការងារ​ត្រីមាសទី១ ឆ្នាំ២០២៦ និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានខេត្តកំពង់ធំ

កំពង់ធំ៖ នាព្រឹកថ្ងៃទី២៥ ខែមេសា ឆ្នាំ២០២៦ ឯកឧត្តម វង្សី វិស្សុត សមាជិកគណៈអចិន្ត្រៃយ៍នៃ​គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តកំពង់ធំ បានអញ្ជើញដឹកនាំកិច្ចប្រជុំបូកសរុបលទ្ធផលការងារត្រីមាសទី១ ឆ្នាំ២០២៦ និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានខេត្តកំពង់ធំ ដោយមានការអញ្ជើញចូលរួមពី ឯកឧត្តម លោកជំទាវ អនុប្រធានក្រុមការងារគណបក្សចុះមូលដ្ឋានខេត្ត ប្រធាន អនុប្រធាន សមាជិក សមាជិកា ស្រុក-ក្រុង ឃុំ-សង្កាត់ និងគណៈ​កម្មាធិការគណបក្សខេត្ត ស្រុក-ក្រុង ជាច្រើនរូប ព្រមទាំងគណៈកម្មាធិការគណបក្សឃុំ-សង្កាត់ទាំង ៨១ ដែលបាន​ចូលរួមតាមប្រព័ន្ធ Zoom ផងដែរ។

បន្ទាប់ពីអង្គប្រជុំបានស្តាប់របាយការណ៍របស់ឯកឧត្តម នួន ផារ័ត្ន ប្រធានគណៈកម្មាធិការគណបក្សខេត្ត​កំពង់ធំរួចមក, ឯកឧត្តម វង្សី វិស្សុត បានថ្លែងនូវការកោតសរសើរនិងវាយតម្លៃខ្ពស់ចំពោះក្រុមការងារគណបក្សចុះមូលដ្ឋាន និងគណបក្សនៅមូលដ្ឋានគ្រប់លំដាប់ថ្នាក់ ដែលបានខិតខំរួមគ្នាធ្វើឱ្យខេត្តកំពង់ធំកំពុងមានចលនការ​វិជ្ជមានទៅមុខ ក្នុងដំណើរឆ្ពោះទៅសម្រេចបាននូវសមិទ្ធផលថ្មីបន្ថែមទៀត ជូនដល់ខេត្ត និងប្រជាជនខេត្តកំពង់ធំ ទាំងការអភិវឌ្ឍមូលដ្ឋាន ទាំងសតិអារម្មណ៍របស់ប្រជាជន ដែលជាចំណែកមួយយ៉ាងសំខាន់នៃបេសកកម្មរបស់គណបក្សប្រជាជនកម្ពុជា ម្ខាងបម្រើប្រជាជន និងម្ខាងទៀតពង្រឹងនិងពង្រីកមូលដ្ឋានគាំទ្រគណបក្សប្រជាជនកម្ពុជា ក្នុងមាគ៌ាឆ្ពោះទៅរកការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២៧ និងការបោះឆ្នោតជ្រើសតាំងតំណាងរាស្ត្រ ឆ្នាំ២០២៨ ខាងមុខ។ ទន្ទឹមនេះ ឯកឧត្តម វង្សី វិស្សុត ក៏បានសម្ដែងនូវការកោតសរសើរចំពោះអាជ្ញាធរ​មូលដ្ឋានគ្រប់លំដាប់ថ្នាក់ កងកម្លាំង និងប្រជាជនខេត្តកំពង់ធំ​ទាំងអស់ ដែលបានរៀបចំនិងចូលរួមព្រឹត្តិការណ៍ «សង្ក្រាន្តកំពង់ធំ» និងការធ្វើជាម្ចាស់ផ្ទះនៃពិធីអបអរសាទរ «ទិវា​ជាតិលើកកម្ពស់ការប្រើប្រាស់ផលិតផលខ្មែរ លើកទី៩» នាពេលកន្លងមក បានយ៉ាងល្អប្រសើរ និងយ៉ាងអធិកអធម។

ឯកឧត្តម វង្សី វិស្សុត បានលើកឡើងថា ស្ថិតក្នុងបរិការណ៍បច្ចុប្បន្នដែលស្ថានភាពភូមិសាស្ត្រនយោបាយ និងសេដ្ឋកិច្ចពិភពលោកកំពុងបែកបាក់ និងរង្គោះរង្គើ, កម្ពុជាយើងដែលជាប្រទេសតូច ខ្សោយ និងមានសេដ្ឋកិច្ចបើកចំហរ គឺងាយនឹងរងគ្រោះ​ដោយសារផលប៉ះពាល់ពីខាងក្រៅ ហើយយើងកំពុងប្រឈមនឹងបញ្ហាធំៗចំនួន៤ ទី១. ការឈ្លានពាន របស់ថៃមកលើ​អធិបតេយ្យនិងបូរណភាពទឹកដីកម្ពុជា ទី២. ការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា (Online Scam) ទី៣. បញ្ហាសេដ្ឋកិច្ច និង ទី៤. បញ្ហាជីវភាពប្រជាជន ពិសេសផលប៉ះពាល់ពីបញ្ហាប្រេងឡើងថ្ងៃ។ ចំពោះមុខស្ថានភាពទាំងនេះ ទាមទារឱ្យយើងទាំងអស់គ្នាត្រូវមានការភ្ញាក់រឭក មិនត្រូវភ្លេចខ្លួន ត្រូវរក្សាឱ្យបាននូវសាមគ្គីជាតិ និងឯកភាពជាតិជាធ្លុងមួយ ត្រូវហ៊ានលះបង់ កែទម្រង់ ចេះចែករំលែក និងពង្រឹងសមត្ថភាពឱ្យបានរឹងមាំ ដើម្បី​ធានាភាពធន់នៃប្រទេស ជំរុញការអភិវឌ្ឍសេដ្ឋកិច្ចឱ្យកាន់តែខ្លាំងក្លា និងរក្សាបាននូវលំនឹងជីវភាពប្រជាជន។

ឯកឧត្តម វង្សី វិស្សុត បានផ្ដល់គោលការណ៍ណែនាំ ក៏ដូចជាដំណោះស្រាយជាក់ស្ដែងមួយចំនួន ចំពោះបញ្ហាប្រឈម​និងសំណូមពរ​ដែលបានលើកឡើងដោយប្រធានគណៈកម្មាធិការគណបក្សឃុំ សង្កាត់នានា និងបណ្ដាក្រុង ស្រុក ដូចជា តម្រូវការផ្លូវថ្នល់ ស្ពាន ប្រឡាយទឹក ទំនប់ទឹក ការដោះស្រាយបញ្ហាដីធ្លី នេសាទ និងបញ្ហាថ្លៃកសិផល ព្រមទាំងសេវាអត្រានុកូលដ្ឋាន និងអត្តសញ្ញាណកម្ម ជាដើម។

ឯកឧត្តម វង្សី វិស្សុត ក៏បានណែនាំឱ្យទាំងអស់គ្នា ចូលរួមរែកពន់ការលំបាកដែលប្រទេសជាតិយើងកំពុងជួបប្រទះ ស្របតាមឧត្តមគតិរបស់គណបក្ស ព្រមទាំងខិតខំប្រែក្លាយបញ្ហាប្រឈម ឱ្យទៅជាឱកាស តាមរយៈការ​លើកកម្ពស់សមត្ថភាពនិងបង្កើនផលិតកម្ម ការទាក់ទាញវិនិយោគពីខាងក្រៅ និងការពង្រឹងមូលដ្ឋានសេដ្ឋកិច្ច ព្រមទាំងភ្ជាប់ការផលិតទៅនឹងទីផ្សារ ដោយផ្ដោតលើវិស័យកសិកម្ម កសិ-ឧស្សាហកម្ម និងទេសចរណ៍ ដើម្បីឱ្យខេត្តកំពង់ធំ ក្លាយជាកន្លែងប្រមូលផ្ដុំ និងជា Hub មួយ ដែលប្រមូលកម្លាំងសេដ្ឋកិច្ច ផលិតផលសេដ្ឋកិច្ច និងការតភ្ជាប់ខ្សែច្រវាក់តម្លៃនៃខេត្តតាមព្រំដែន ភ្ជាប់ជាមួយនឹងសេដ្ឋកិច្ចគោល និងប្រែក្លាយទៅជាមជ្ឈមណ្ឌលកសិ-ឧស្សាហកម្ម និងរួមចំណែកជាចន្ទល់នៃកំណើនសេដ្ឋកិច្ចជាតិ ព្រមទាំងធានាបាននូវសន្តិសុខ​ស្បៀង ស្របតាម​ចក្ខុវិស័យ​របស់សម្ដេចធិបតីនាយករដ្ឋមន្រ្តី «លែងឱ្យ​ខេត្តកំពង់ធំជាកន្លែងដែលទៅហួសមកហួស ទាំងការវិនិយោគ ពាណិជកម្ម ទេសចរណ៍ និងគម្រោងអភិវឌ្ឍន៍»។ ទន្ទឹមនេះ ត្រូវចូលរួមដោះស្រាយបញ្ហាជីវភាពរស់នៅប្រចាំថ្ងៃ បង្កើតការងារ មុខរបរថ្មី មុខរបរបន្ថែម និងការបង្កើនប្រាក់ចំណូលបន្ថែមរបស់ប្រជាជន ពិសេស​យកចិត្តទុកដាក់ក្នុងការជួយឧបត្ថម្ភប្រជាជនជួបការលំបាកផ្នែកជីវភាព ក្រ១ ក្រ២ និងគ្រួសារងាយរងគ្រោះ។

ឯកឧត្ដម វង្សី វិស្សុត បានណែនាំដល់ថ្នាក់ដឹកនាំ កងកម្លាំងប្រដាប់អាវុធ និងមន្ត្រីរាជការគ្រប់លំដាប់ថ្នាក់និងសមត្ថកិច្ចក្នុងខេត្តកំពង់ធំ ឱ្យបន្តខិតខំបម្រើប្រជាជនដោយភាពស្មោះត្រង់ គោរពច្បាប់ ធ្វើអំពើល្អ អំពើត្រឹមត្រូវ ពិសេសពង្រឹងគុណភាព និងប្រសិទ្ធភាពនៃការផ្ដល់សេវាគ្រប់ប្រភេទ ទាំងសេវាសន្តិសុខសណ្តាប់ធ្នាប់, សេវាប្រជាពលរដ្ឋ ពាក់ព័ន្ធនឹងអត្រានុកូលដ្ឋាន និងអត្តសញ្ញាណកម្ម និងសេវារដ្ឋបាលផ្សេងៗទៀត, សេវាអាជីវកម្មនិងធុរកិច្ច និងការបង្កលក្ខណៈងាយស្រួល និងបរិយាកាសល្អប្រសើរសម្រាប់អាជីវកម្ម មុខរបរ និងវិនិយោគ, សេវា​សង្គមកិច្ច សេវាអប់រំ សុខាភិបាល និងគាំពារសង្គម និងសេវាយុត្តិធម៌ ព្រមទាំងធានានូវសមធម៌និងយុត្តិធម៌សង្គម ដោយឈរលើប្រយោជន៍ប្រជាជនជាធំ (People-centered policy)។ ឯកឧត្តម ក៏បានស្នើឱ្យបន្តអនុវត្តយ៉ាងម៉ឺងម៉ាត់​បំផុតនូវបទបញ្ជាដ៏ខ្ពង់ខ្ពស់របស់ សម្ដេចធិបតី​នាយករដ្ឋមន្ត្រី ដោយមិនបន្ធូរដៃនិងគ្មានការលើកលែង ក្នុងការបោសសម្អាតការឆបោកតាមប្រព័ន្ធបច្ចេកវិទ្យា(Online Scam) ដើម្បីសន្តិសុខជាតិ ប្រយោជន៍ជាតិ ព្រមទាំងកេរ្តិ៍ឈ្មោះប្រទេស។

ឯកឧត្តម វង្សី វិស្សុត ក៏បានជំរុញឱ្យក្រុមការងារ​​​ចុះមូលដ្ឋាន បន្តចុះជួបផ្ទាល់និងផ្សារភ្ជាប់ជាមួយប្រជាជន ដើម្បីបង្កើនភាពជិតស្និទ្ធ យល់គ្នា ដឹងពីបញ្ហាសុខទុក្ខ បញ្ហាប្រឈមរបស់ប្រជាជន និងស្វែងយល់​អំពីស្ថានភាព​​ពិតជាក់ស្តែង ក៏ដូចជាដើម្បីផ្សព្វផ្សាយ និងបង្កើនការយល់ដឹងរបស់ប្រជាជនពាក់ព័ន្ធការខិតខំប្រឹងប្រែងរបស់រាជរដ្ឋាភិបាល ក្នុងការធានាស្ថិរភាពថ្លៃនិងការផ្តត់ផ្គងប្រេង និងការដោះស្រាយបញ្ហាព្រំដែននិងបញ្ហាសង្គមផ្សេងៗទៀត ព្រមទាំងជួយដោះស្រាយបញ្ហានៅនឹងកន្លែងប្រសិនបើអាច ដើម្បីទទួលបានការស្រឡាញ់ ជឿជាក់ និងទំនុកចិត្តពីសំណាក់ប្រជាជនមកលើគណបក្ស។ លើសពីនេះ ត្រូវបន្តការងារកសាង និងពង្រឹងគណបក្ស តាមរយៈការពង្រឹងការដឹកនាំនៅគ្រប់ថ្នាក់ ​ការជំរុញ
កសាងសមាជិកគណបក្ស ទាំងបរិមាណនិងគុណភាព ការរៀបចំកម្លាំងយុវជននិងស្ត្រីក្នុងការបន្តវេន ការពង្រឹងអង្គការចាត់តាំងយុវជនឱ្យក្លាយជាកម្លាំងស្រួចរបស់គណបក្ស ការរៀបរយបងប្អូនដែលទើបបានចូលរួមជីវភាពជាមួយគណបក្សឱ្យបានល្អប្រសើរ ពង្រឹងការងារសតិអារម្មណ៍នយោបាយ និងការទប់ស្កាត់រាល់​ឧបាយកល​ទុច្ចរិតនានា ព្រមទាំងចូលរួមរៀបចំនិងប្រែក្លាយផែនការឱ្យទៅជាសកម្មភាពជាក់ស្ដែង ក្នុងការសម្រេចបាន​នូវចក្ខុវិស័យ
ប្រែ​ក្លាយ​ខេត្តកំពង់ធំឱ្យទៅជា មូលដ្ឋានគាំទ្រដ៏រឹងមាំរបស់គណបក្សប្រជាជនកម្ពុជា និងរាជរដ្ឋាភិបាល ជាពិសេសឈាន​ឆ្ពោះទៅដណ្តើមជ័យជម្នះក្នុងការបោះឆ្នោតឆ្នាំ២០២៧ និងឆ្នាំ២០២៨ ខាងមុខ។

                       

(សូមអានបន្ត)

និយ័តករធានារ៉ាប់រងកម្ពុជា រៀបចំទិវាធានារ៉ាប់រងឆ្នាំ២០២៦ នៅក្រុងសៀមរាប ដើម្បីលើកកម្ពស់ការយល់ដឹង និងជំរុញការផ្សព្វផ្សាយអំពីសេវាធានារ៉ាប់រងជូនសាធារណជន

 

សៀមរាប៖ និយ័តករធានារ៉ាប់រងកម្ពុជា ក្រោមកិច្ចសហការជាមួយសមាគមធានារ៉ាប់រងកម្ពុជា សមាគមជើងសាធានារ៉ាប់រងកម្ពុជា និងគ្រឹះស្ថានធានារ៉ាប់រងបានរៀបចំ “ទិវាធានារ៉ាប់រងកម្ពុជា ២០២៦” នៅសួនព្រះរាជដំណាក់ ខេត្តសៀមរាបរយៈពេល ២ថ្ងៃ ចាប់ពីថ្ងៃទី២៥ ដល់ថ្ងៃទី២៦ ខែមេសា ឆ្នាំ២០២៦។ 

ពិធីបើកជាផ្លូវការប្រារព្ធឡើងក្រោមអធិបតីភាពរបស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ លោក លី សារី អភិបាលរង នៃគណៈអភិបាលខេត្តសៀមរាប ឯកឧត្តម ប៊ូ ច័ន្ទភីរូ អគ្គនាយក នៃនិយ័តករធានា-រ៉ាប់រងកម្ពុជា លោក ពុយ គា ប្រធានក្លិបអ្នកកាសែតកម្ពុជា និងរដ្ឋបាលខេត្ត តំណាងមន្ទីរពាក់ព័ន្ធ។

ទិវាធានារ៉ាប់រងកម្ពុជារៀបចំឡើងក្នុងគោលបំណងសំខាន់ៗចំនួន ៣៖ ១ លើកកម្ពស់ការយល់ដឹងនិងជំរុញការផ្សព្វផ្សាយអំពីសេវាធានារ៉ាប់រងជូនសាធារណជន ២ បង្ហាញពីការគាំទ្ររបស់រាជរដ្ឋាភិបាលក្នុងការជំរុញឱ្យមានពិពិធកម្មផលិតផលហិរញ្ញវត្ថុនៅក្នុងវិស័យហិរញ្ញវត្ថុ ដូចមានចែងនៅក្នុងយុទ្ធសាស្រ្តបញ្ចកោណដំណាក់កាលទី១ នីតិកាលទី៧ របស់រាជរដ្ឋាភិបាល និង៣ បង្ហាញដល់សាធារណជនឱ្យបានជ្រាបថាវិស័យធានារ៉ាប់រងជាផ្នែកដ៏សំខាន់មួយ ដែលមានតួនាទីសកម្ម និងចាំបាច់ក្នុងការចូលរួមចំណែកកសាងសំណាញ់សុវត្ថិភាពសង្គម និងជំរុញកំណើនសេដ្ឋកិច្ចជាតិ។

ក្នុងឱកាសនេះផងដែរ ជាមួយនឹងការអបអរសាទរចំពោះជោគជ័យនៃការរៀបចំទិវាធានារ៉ាប់រងកម្ពុជា ២០២៦ ឯកឧត្តម រស់ សីលវ៉ា បានគូសរំលេចពីសារៈសំខាន់នៃវិស័យធានារ៉ាប់រងក្នុងការទ្រទ្រង់ប្រព័ន្ធសន្តិសុខសង្គម និងរួមចំណែកយ៉ាងខ្លាំងក្លាដល់ការអភិវឌ្ឍសេដ្ឋកិច្ចជាតិ ព្រមទាំងលើកនូវទិសដៅការងារសំខាន់ៗ ក្នុងការជំរុញទីផ្សារធានារ៉ាប់រងកម្ពុជាឱ្យកាន់តែរីកចម្រើននាពេលខាងមុខ។ 

ទន្ទឹមនឹងនេះ ឯកឧត្តម ប៊ូ ច័ន្ទភីរូ បានគូសបង្ហាញឱ្យឃើញពីសម្ទុះរីកចម្រើនគួរឱ្យកត់សម្គាល់របស់វិស័យធានារ៉ាប់រង ក្នុងរយៈពេលប្រមាណ៥ឆ្នាំ កន្លងមកនេះ។ ជាក់ស្តែង ក្នុងឆ្នាំ២០២៥ ទីផ្សារធានារ៉ាប់រងកម្ពុជាមានគ្រឹះស្ថានធានារ៉ាប់រងសរុបចំនួន ១១២ ដែលក្នុងនោះរួមមាន ក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៣  ក្រុមហ៊ុនធានារ៉ាប់រងខ្នាតតូចចំនួន ៧ ក្រុមហ៊ុនធានារ៉ាប់រងបន្តចំនួន ១ ក្រុមហ៊ុនជើងសាធានារ៉ាប់រងចំនួន ២០ ក្រុមហ៊ុនភ្នាក់ងារធានារ៉ាប់រងចំនួន ៤៤ ក្រុមហ៊ុនវាយតម្លៃហានិភ័យធានារ៉ាប់រងចំនួន ៥ ក្រុមហ៊ុនគ្រប់គ្រងសំណងធានារ៉ាប់រងចំនួន ២ និងក្រុមហ៊ុនគណនាបុព្វលាភធានារ៉ាប់រងចំនួន ២ កំពុងធ្វើប្រតិបត្តិការអាជីវកម្មធានារ៉ាប់រង។ ជាមួយនឹងកំណើនគ្រឹះស្ថានធានារ៉ាប់រងនេះ ទំហំទីផ្សារធានារ៉ាប់រងកម្ពុជាបានកើនឡើងដល់ប្រមាណ ៣៦៧  លានដុល្លារអាម៉េរិក ក្នុងឆ្នាំ២០២៥ និងបានចូលរួមចំណែកក្នុងសេដ្ឋកិច្ចកម្ពុជាជាអត្រាភាគទានធានារ៉ាប់រងប្រមាណ ១,១១% នៃ ផ.ស.ស. និងដង់ស៊ីតេធានារ៉ាប់រងចំនួន ២០,៩៥ ដុល្លារអាម៉េរិកក្នុងមនុស្សម្នាក់។ 

សូចនាករគន្លឹះទាំងពីរនេះ បញ្ជាក់ថា ទីផ្សារធានារ៉ាប់រងកម្ពុជានៅមានសក្តានុពលធំធេងសម្រាប់ការរីកចម្រើននាពេលខាងមុខ ហើយក៏បញ្ជាក់ផងដែរថាកង្វះ ការយល់ដឹងរបស់សាធារណជនអំពីអត្ថប្រយោជន៍នៃការធានារ៉ាប់រង និងជំនឿទុកចិត្តរបស់អតិថិជនលើក្រុមហ៊ុនធានារ៉ាប់រង គឺជាបញ្ហាប្រឈមមួយដែលទាមទារឱ្យមានការផ្សព្វផ្សាយ និងអប់រំបន្ថែមទៀតអំពីខ្លឹមសារនិងអត្ថប្រយោជន៍នៃការធានារ៉ាប់រង។

ដោយពិនិត្យឃើញពីសក្តានុពល និងបញ្ហាប្រឈមខាងលើនេះ និយ័តករធានារ៉ាប់រងកម្ពុជា បានរៀបចំទិវានេះឡើងដោយសង្ឃឹមជឿជាក់ថា ទិវានេះនឹងរួមចំណែកជំរុញការអភិវឌ្ឍសេដ្ឋកិច្ចសង្គម លើកកម្ពស់ការយល់ដឹងរបស់ប្រជាពលរដ្ឋក្នុងខេត្តអំពីអត្ថប្រយោជន៍នៃការធានារ៉ាប់រង និងជំរុញសេវាធានារ៉ាប់រងឱ្យកៀកនឹងប្រជាពលរដ្ឋ។ 

បន្ថែមពីនេះ ទិវាធានារ៉ាប់រង មានរៀបចំកម្មវិធីសំខាន់ៗមួយចំនួន រួមមាន៖ សន្និសីទសារព័ត៌មានពីវិស័យធានារ៉ាប់រង, ការបរិច្ចាគថវិកាជូនមូលនិធិគន្ធបុប្ផាកម្ពុជា, ការតាំងពិព័ណ៌ផលិតផលធានារ៉ាប់រង, ការរត់កម្សាន្តក្រោមប្រធានបទ “រត់ដើម្បីគ្រួសារយើង” ក្នុងស្មារតីប្រមូលថវិកាជូនដល់កាកបាទក្រហមប្រចាំខេត្តសៀមរាប ដើម្បីគាំទ្រដល់សកម្មភាពសង្គមជាពិសេសរួមចំណែកក្នុងសកម្មភាពមនុស្សធម៌ដើម្បីកុមារដែលកំពុងទទួលការព្យាបាល ដោយឥតគិតថ្លៃ៕

(សូមអានបន្ត)