www.tsp68tvonline.com
(បរទរស)៖ រដ្ឋបាលប្រធានាធិបតីដូណាល់ ត្រាំ កំពុងរៀបចំពន្យារពេលកំណត់ម្តងទៀត សម្រាប់ក្រុមហ៊ុន ByteDance មេធំរបស់ TikTok ដើម្បីលក់ ឬបោះបង់កម្មសិទ្ធិប្រតិបត្តិការនៅសហរដ្ឋអាមេរិក មុនពេលត្រូវប្រឈមមុខនឹងការបិទកម្មវិធីនេះ ដែលកំណត់នៅថ្ងៃទី១៧ ខែកញ្ញា ឆ្នាំ២០២៥។
នេះជាការពន្យារពេលលើកទី៤ចាប់តាំងពីត្រាំឡើងកាន់អំណាចនៅខែមករា។ ច្បាប់ PAFACA ដែលបានអនុម័តដោយសភា គឺកំណត់ឱ្យក្រុមហ៊ុន ByteDance ត្រូវលក់ TikTok ឬប្រឈមនឹងការហាមឃាត់ ចាប់ពីដើមឆ្នាំ២០២៥។ ត្រាំបាននិយាយថា មានក្រុមហ៊ុនអាមេរិកចង់ទិញ TikTok ប៉ុន្តែការចរចាបានពន្យារពេល ពីព្រោះចិនមិនទាន់អនុម័តលើលក្ខខណ្ឌសំខាន់ៗ ដូចជា ការគ្រប់គ្រង algorithm និងរចនាសម្ព័ន្ធម្ចាស់កម្មសិទ្ធិ។ ពេលនេះ អាមេរិក និងចិនក៏កំពុងចរចាផ្នែកពាណិជ្ជកម្មនៅទីក្រុងម៉ាឌ្រីដ ដែលប្រធានបទ TikTok ក៏ត្រូវបានដាក់បញ្ចូលក្នុងវេទិកានេះផងដែរ។ ការចរចានេះអាចផ្តល់ហេតុផលដល់ត្រាំក្នុងការផ្ដល់ពេលវេលាបន្ថែម។
ទោះជាយ៉ាងណា បច្ចុប្បន្ននេះគឺមានសម្ពាធនយោបាយខ្លាំងនៅសហរដ្ឋអាមេរិក ដោយសភាផ្ទាល់បានបង្ហាញកង្វល់ពីបញ្ហាសុវត្ថិភាពជាតិ និងការពន្យារពេលជាបន្តបន្ទាប់។ TikTok មានអ្នកប្រើប្រាស់ប្រមាណ ១៧០លាននាក់នៅអាមេរិក ដែលជាកត្តាដែលធ្វើឱ្យរដ្ឋបាលត្រាំប្រញាប់ប្រញាល់រកដំណោះស្រាយ៕
0 Comments:
Post a Comment
KKK