#ឃ្លាំងសាច់បង្កក របស់ជនជាតិចិនមួយកន្លែង កំពុងចរាចរណ៍ ចែកចាយពាសពេញ រាជធានីភ្នំពេញ ខណៈដែលមន្ត្រីជំនាញហាក់បីដូចមើលរំលង.....???

#ចេញផ្សាយថ្ងៃចន្ទ ទី ៦ ខែតុលា ឆ្នាំ ២០២៥  ទីតាំងសាច់បង្កកមួយកន្លែង ជារបស់ជនជាតិចិន គ្មានផ្លាក យីហោរ ទាល់តែសោះ ដែលធ្វើឲ្យមហាជនកំពុងមានការងើយឆ្ងល់ យ៉ាងខ្លាំង ទីតាំងនេះស្ថិតនៅក្នុងសង្កាត់គោគឃ្លាង ខណ្ឌសែនសុខ រាជធានីភ្នំពេញ តាមបណ្ដោយផ្លូវលេខ ២០១១ ដោយប្រជាពលរដ្ឋរស់នៅក្បែរទីនោះ ស្នើសុំមកដល់អង្គភាពយើងខ្ញុំ ឲ្យជួយធ្វើការផ្សព្វផ្សាយ និងជម្រាបជាព័ត៌មាន ជូនទៅដល់ថ្នាក់ដឹកនាំ និងមន្ត្រីជំនាញពេទ្យសត្វ មន្ត្រីជំនាញ .ក.ប.ប ឲ្យបានជ្រាប និងស្នើសុំទៅដល់មន្ត្រីពាក់ព័ន្ធទាំងអស់ មេត្តាដាក់កម្លាំងជំនាញចុះត្រួតពិនិត្យទីតាំងកន្លែងនេះផងទាន ដើម្បីសុខមាលភាពប្រជាពលរដ្ឋនិងមហាជនទូទាំងប្រទេស រួចផុតពីសារជាតិគីមីឬសារជាតិ ផ្សេងទៀតដែលធ្វើឲ្យប៉ះពាល់ទៅដល់សុខភាព ដោយសារការបង្កកនេះ 

សូមបញ្ជាក់ ដោយអង្គភាពយើងខ្ញុំបានចុះទៅដល់ទីតាំងនេះផ្ទាល់ ឃើញសកម្មភាពសន្តិសុខ ដែលយាមនៅខាងមុខ ហាក់បីដូចជាធ្វើសកម្មភាពមិនប្រក្រតី មានការដឹកជញ្ជូននិងចែកចាយ បិទបាំង ពីភ្នែកមហាជននិងអ្នកសារព័ត៌មាន

ឃ្លាំងមួយកន្លែងអត់មានស្លាកយីហោដែលស្តុកទុកសាច់បង្កក នាំចូលពីក្រៅប្រទេស ស្ថិតនៅតាមបណ្តោយផ្លូវ២០១១ ស្ថិតនៅសង្កាត់គោកឃ្លាង ខណ្ឌសែនសុខ រាជធានីភ្នំពេញតើមានច្បាប់ត្រឹមត្រូវដែរឬទេ?? 

រាជធានីភ្នំពេញ៖ នៅថ្ងៃទី០៦ ខែ តុលា ឆ្នាំ ២០២៥  ក្រុមការងារអង្គភាពសារព័ត៌មានយើងទទួលប្រភពព័ត៌មានតាមបណ្ដាញសង្គម facebook ថាមានទីតាំងឃ្លាំងមួយកន្លែង ដែលកំពុងស្តុកទុកទំនិញដែរជាសាច់បង្កកមកពីក្រៅប្រទេសចូលប្រទេសកម្ពុជា មួយកន្លែងស្ថិតនៅតាមបណ្តោយផ្លូវ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ ក្រុមការងារសារព័ត៌មានយើងបានចុះផ្ដិតយករូបភាពទិដ្ឋភាពផ្ទាល់ដល់ទីតាំងតែម្ដង ក៏បានជួបសន្តិសុខដែលយាមការនៅទីនោះក៏សុំលេខទូរសព្ទអ្នកមើលការ គ្រប់គ្រងនៅក្នុងឃ្លាំងនោះពីសន្តិសុខ    កំពុងតែជជែកគ្នាជាមួយសន្តិ សុខ ស្រាប់តែយើងឃើញមានបុរសម្នាក់ ដែលធ្វើការនៅក្នុងឃ្លាំងនោះក៏ដើរចេញសំដៅមកក្រុមការងារសារព័ត៌មានយើង ក៏យកលេខទូរសព្ទ មួយខ្សែ មកឲ្យអ្នកសារព័ត៌ មានយើងទាក់ទងទៅ ដែលមានលេខ 0976500001

ក្នុងពេលនោះដែរក្រុមការងារសារព័ត៌មានយើងក៏សាកសួរបន្ថែម ពីបុរសម្នាក់ ដែលមិនស្គាល់ឈ្មោះ ចេញពីក្នុងឃ្លាំងយកលេខទូរសព្ទមកឱ្យក្រុមការងារយើងនោះ ថា បងតើឃ្លាំង ស្តុកសាច់បង្កក ហ្នឹងមាន អ្វីខ្លះ??  ហើយនាំមកពីខាងណា?? បុរសម្នាក់នោះក៏ឆ្លើយប្រាប់ថានាំយកមកពីក្រៅប្រទេស មានសាច់ក្រក់ ប្រហិតសាច់គោ និងផ្សេងៗទៀត។

ក្រុមការងារសារព័ត៌មានយើងក្រោយពី សាកសួរបុរសម្នាក់នោះហើយក៏យកលេខពីគាត់ទំនាក់ទំនង ទៅលេខទូរសព្ទខាងលើ(0976500001) សុំការបំភ្លឺបន្ថែម បុរសដែលកាន់លេខទូរសព្ទខាងលើនោះបានឆ្លើយប្រាប់អ្នកសារ ព័ត៌មានយើងថា ទីតាំងខាងលើនោះ បានបង់ពន្ធគយ ត្រឹមត្រូវរួចរាល់ហើយ ខាងក.ប.ប ក៏បានចុះត្រួតពិនិត្យរួចដែរហើយ ក៏បានចូល មន្ទីរពិសោធន៍ចំណីអាហាររួចផងដែរ ក្រុមការងារយើងក៏ សុំមើល ឯកសារ ពាក់ព័ន្ធផ្លូវច្បាប់ទាំងអស់ដើម្បីសរសេរព័ត៌មានកុំឱ្យគ្មានមូលដ្ឋានគ្រឹះច្បាស់លាស់ និងធ្វើឲ្យប៉ះពាល់ខូចកិត្តិយសសេចក្តីថ្លៃថ្នូរបុគ្គល តែមិនមានឯកសារបញ្ជាក់ច្បាស់លាស់ណាមួយឲ្យក្រុមការងារយើងបាននោះទេ ក្រុមការងារយើង ក៏សួរបន្ថែមទៀតពីបញ្ហាអត់ឃើញមានស្លាកយីហោត្រឹមត្រូវ  បុរសម្នាក់នោះ ក៏និយាយថាអត់លឺសំឡេងនោះទេ អត់លឺសំឡេងនោះទេជាប់បើកឡានក៏ចុចបិទទូរសព្ទក្រុមការងារយើងទៅ។

រួចមកក្រុមការងារសារព័ត៌មានយើង ក៏បានខលសុំការបំភ្លឺពីរលោក ឡា វិសិដ្ឋ គយប្រចាំខណ្ឌសែនសុខតាមរយះលេខ(01238 33 03) តើទីតាំងខាង លើនេះមានបានបង់ពន្ធ និងមានលិខិត អនុញ្ញាតណាមួយដែលពាក់ព័ន្ធ ឱ្យនាំទំនិញក្រៅប្រទេសចូលក្នុងស្រុកដែរឬទេ??  

លោកឡា វិសិដ្ឋ បានបញ្ជាក់មកក្រុមការងារយើងថា ទាល់តែមើលឯកសារសិនព្រោះឯកសារ នៅក្នុងក្រូណូ ហើយក្រុមការងារយើង ក៏ប្រាប់ទៅលោក ឡា វិសិដ្ឋបន្ថែមថាបន្តិចទៀតក្រុមការងារនិងដាក់ឡុកខេសិននិងរូបភាពទីតាំងខាងលើជូន តែក្រុមការងារយើងមិនអាច ទំនាក់ទំនង ប្រព័ន្ធតេឡេក្រាមនោះបានទេ។

យើងក្រឡេកមកមើលប៉ុន្មានថ្ងៃមុននេះថ្ងៃទី៤ ទី៥ ក្រសួងស្ថាប័នពាក់ព័ន្ធបានចុះត្រួតពិនិត្យទីតាំង សាច់បង្កកនៅក្នុងខណ្ឌមានជ័យ ក៏រកឃើញថាសាច់បង្កកដែលនាំចូលពីក្រៅប្រទេស ចំនួន 76 តោនមិនបានបង់ពន្ធចូលត្រឹមត្រូវនិងពិសោធ៍ត្រឹមត្រូវនោះទេ     និងឃ្លាំងមួយកន្លែងនៅខណ្ឌឬស្សីកែវដែលនាំចូលទំនិញពីប្រទេសថៃចូលប្រទេសកម្ពុជា ទាំងដែលប្រទេសថៃកំពុងតែឈ្លានពាន ទឹកដីរបស់កម្ពុជា និងប្រជាពលរដ្ឋទូទាំងប្រទេសកំពុងតែពហិការឈប់ប្រើប្រាស់ទំនិញថៃ ហៅសៀម

ប្រជាពលរដ្ឋក៏ដូចជាអ្នកសារព័ត៌មានទទូចស្នើសុំក្រសួងពាក់ព័ន្ធ អគ្គនាយកដ្ឋាន ក.ប.ប.  អគ្គនាយកដ្ឋានគយនិងរដ្ឋាករ នគរបាលប្រឆាំងបទល្មើសសេដ្ឋកិច្ចនៃស្នងការដ្ឋាន នគរបាលរាជធានីភ្នំពេញ អគ្គនាយកដ្ឋានពេទ្យសត្វ អាជ្ញាធរខណ្ឌសែនសុខមេត្តាចុះ ពិនិត្យ  និងអធិការកិច្ច ទីតាំងខាងលើនេះផងទាន

អង្គភាពសារព័ត៌មានយើងរង់ចាំការឆ្លើយបំភ្លឺគ្រប់ក្រសួង ស្ថាប័ន មន្ទីរពាក់ព័ន្ធ

អាជ្ញាធរមូលដ្ឋាន រៀងរាល់ម៉ោងធ្វើការតាមច្បាប់ស្តីពីរបបសារព័ត៌មានឆ្នាំ១៩៩៥ មេត្រាទី១០ កថាខណ្ឌទី១។ សូមអរគុណ