អភិបាលខេត្តបន្ទាយមានជ័យ អំពាវនាវឱ្យប្រជាពលរដ្ឋគោរពច្បាប់ចរាចរណ៍ ~ គេហទំព័រ ធី អេស ភី 68 ធីវីអនឡាញ

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយលោក ឃ្លោក នួយ និងលោក ហ៊ឹល រ៉ាយ៉ា អភិបាលរងខេត្ត លោក ស្រេង សុផល អភិបាលក្រុងសិរីសោភ័ណ ព្រមទាំងមន្ត្រីរាជការ នៅព្រឹកថ្ងៃទី១៣ ខែតុលា ឆ្នាំ២០២៦នេះ បានអញ្ជើញជូនដំណើរប្រជាពលរដ្ឋ វិលត្រលប់ទៅរាជធានីភ្នំពេញ និងតាមបណ្តាខេត្ត បន្ទាប់ពីបញ្ចប់ពិធីបណ្យភ្ជុំបិណ្ឌ ។

នាឱកាសនោះ ឯកឧត្តម អ៊ុំ រាត្រី ក៏បានជូនពរចំពោះប្រជាពលរដ្ឋទាំងអស់ ក្រោយពីបានមកលេងស្រុកកំណេីតជួបជុំបងប្អូនក្រុមគ្រួសារ ញាតិមិត្ត ក្នុងឱកាសបុណ្យភ្ជុំបិណ្ឌ សូមធ្វើដំណើរត្រឡប់ទៅកាន់លំនៅឋាន កន្លែងធ្វើការ និងការសិក្សាវិញ សូមប្រកបដោយសុខសុវត្ថិភាព។

ឯកឧត្តម អ៊ុំ រាត្រី ក៏បានអំពាវនាវដល់ប្រជាពលរដ្ឋ សិស្សនិស្សិត រាល់ការធ្វេីដំណេីរសូមចូលរួមគោរពច្បាប់ចរាចណ៍ទាំងអស់គ្នា ដោយបើកបរដោយការប្រុងប្រយ័ត្ន យោគយល់ អធ្យាស្រ័យឱ្យគ្នាទៅវិញទៅមកតាមដងផ្លូវ កុំបើកបរហួសល្បឿនកំណត់៕អត្ថបទដោយ Nou Seyha